قازاقستاندىق كەسٸپقوي بوكسشى باتىر جٷكەمباەۆ كەزەكتٸ جەكپە-جەگٸندە جەڭٸسكە جەتتٸ, - دەپ حابارلايدى قازاقپارات.
«ريكي» لاقاپ اتتى مەكسيكالىق ريكاردو لاراعا قارسى (22-7, 10KO) ايقاس كانادانىڭ مونرەال قالاسىندا «Montreal Casino ارەناسىندا» ٶتتٸ.
ونى «حابار» ارناسى تٸكەلەي ەفيردەن كٶرسەتتٸ.
باتىر جٷكەمباەۆ بٸرٸنشٸ راۋدتان-اق بەلسەندٸ ايقاسقا كٸرٸستٸ. ال ەكٸنشٸ راۋندتا وپپونەنتٸن ەكٸ رەت اۋىر نوكداۋنعا تٷسٸردٸ. وسىدان كەيٸن مەكسيكالىق بوكسشىنىڭ ٶكٸلدەرٸ جەكپە-جەكتٸ جالعاستىرۋدان باس تارتتى. تٶرەشٸلەردٸڭ بٸراۋىزدى شەشٸمٸمەن جەڭٸستٸ قازاق بوكسشىسىنا بەردٸ.
وسىلايشا, ب.جٷكەمباەۆ كەسٸپقوي بوكستاعى 18-ٸنشٸ كەزدەسۋٸن 18-ٸنشٸ جەڭٸسپەن اياقتادى. ونىڭ 14-ٸندە قارسىلاسىن نوكاۋتقا جەبٸرگەن.
ايتا كەتسەك, ەۋەلدە جٷكەمباەۆتىڭ IBF Latino چەمپيونى ارگەنتينالىق ماكسيميليانو ريكاردو ۆەرونعا (12-3-1, 4 كو) قارسى ايقاساتىنى جارييالانعان ەدٸ. الايدا بۇل شەشٸم اياق استىنان اۋىستىرىلىپ, وپپونەنت رەتٸندە ريكاردو لارا بەلگٸلەندٸ.
28 جاستاعى باتىر سوڭعى رەت رينگكە 2019 جىلدىڭ قىركٷيەگٸندە كانادادا شىققان بولاتىن. وندا تٶرەشٸلەردٸڭ بٸراۋىزدى شەشٸمٸمەن جەڭٸسكە جەتتٸ. حالىقارالىق بوكس ۇيىمىنىڭ (IBO) رەيتينگٸندە ول ٶز سالماعىندا 11-شٸ ورىندا تۇر.
