Nigerdiń ońtústiginde eki avtobýs soqtyǵysyp, keminde 22 adam qaza boldy. Taǵy 37 jolaýshy túrli jaraqat alǵan, dep habarlaidy ult.kz.
Jol apaty 7 tamyz kúni keshki ýaqytta Madaýa qalasynan shamamen 50 shaqyrym jerde bolǵan. Aldyn ala málimet boiynsha, avtobýstardyń biri áskeri qyzmetshilerdi tasymaldaǵan. Apat saldarynan qaza tapqandardyń 17-si áskeri qyzmetshi ekeni belgili boldy.
Oqiǵadan keiin tiisti organdar jol apatynyń naqty sebepterin anyqtaý úshin tergeý jumystaryn bastaǵan.
Atalǵan qaiǵyly jaǵdai Nigerde jol qozǵalysy qaýipsizdigin qamtamasyz etý sharalary kúsheitilip jatqan kezeńde bolyp otyr. Sahel aimaǵynyń edáýir bóligin alyp jatqan elde jol-kólik oqiǵalary áli de ózekti máselelerdiń biri sanalady.
Ulttyq jol qozǵalysy qaýipsizdigi agenttiginiń dereginshe, 2025 jyly Nigerde 7 myńnan astam jol apaty tirkelgen. Onyń saldarynan 1,2 myńnan astam adam kóz jumyp, 4,4 myńnan astam adam aýyr jaraqat alǵan.
