Aýa raiynyń jaisyzdyǵyna bailanysty egin jinaý naýqany qiyn óte jaǵdaida ótip jatyr.
Ortalyq kommýnikatsiialar qyzmetinde ótken baspasóz máslihatynda QR Aýyl sharýashylyǵy birinshi vitse-ministri Aidarbek Saparov osylai dedi, dep habarlaidy QazAqparat.
«Ózderińiz biletindei, 20 tamyzda egin jinaý naýqanyna kiristik. Jalpy, 25 tamyzdan bastap búkil óńirler bul jumysty bastap ketken bolatyn. Egin jinaý naýqany qiyn jaǵdaida ótip jatyr. Shyndyǵyn aitý kerek. Barlyǵy aýa-raiy jaǵdaiyna bailanysty. Sebebi, Soltústik Qazaqstan, Aqmola, Qostanai oblystaryn alar bolsaq, ol óńirlerde 12-15 kún boiy jaýyn jaýdy. Kúnara jańbyr jaýǵan kezder boldy», - dedi vitse-ministr.
Aidarbek Saparovtyń aitýynsha, áitse de, egin jinaý baǵytynda memleket tarapynan barlyq jaǵdailar jasalǵan.
«Birinshiden, janar-jaǵarmai 100 paiyz berildi. Keste boiynsha ai saiyn tapsyryldy. Tehnika daiyn. Barlyǵy jóndeýden ótken. Sharýashylyq basshylary jumysty barynsha joǵary deńgeide júrgizip jatyr. Jalpy, aýa raiy ashylsa, 10-12 kúnniń ishinde egin jinaý naýqanyn aiaqtaimyz», - dedi ol.
Vitse-ministrdiń aitýynsha, oblystar bergen málimet boiynsha qazirgi ýaqytta elimizdegi egin alqabynyń 12,4 mln gektary – 81,4 paiyzy orylyp qoiǵan.
