Krasnoiarskide №11 litseide ótken alǵashqy qońyraý sharasynda Ýkrainadaǵy soǵysqa qatysqan reseiliktiń oqýshylar aldynda sóilegen sózi jelide shý boldy, dep habarlaidy ult.kz.
«Dojd» arnasynyń málimetinshe, er adamnyń aty-jóni – Aleksandr Klaýs. Ol balalarǵa arnalǵan túrli is-sharalarǵa turaqty túrde «SVO ardageri» retinde qatysyp júrgen.
Klaýstyń aitýynsha, ol 2023 jyldyń tamyzynan bastap Avdeevka men Vodianoe eldi mekenderi mańyndaǵy soǵys qimyldaryna qatysqan. Keiin qolynan jaralanyp, Krasnoiarskige oralǵan.
Ótken jyldyń kúzinde Klaýs Krasnoiarskiniń Ortalyq aýdanyndaǵy oqýshylarǵa arnalǵan forýmda sóz sóilep, jastardy merzimdi áskeri qyzmetten keiin maidanǵa attanyp, «qaharmandyq erlik» jasaýǵa shaqyrǵan.
Al №11 litseidegi saltanatty shara barysynda ol keńestik jáne reseilik saiasatker Vladimir Jirinovskiidiń sózin mysalǵa keltirgen.
Jergilikti «Prospekt mira» basylymy taratqan videorolikte ol:
«Bir saiasatker aitqandai, eger búkil álem orys tilinde sóilegenin qalasań, Kalashnikov avtomatynyń qurylymyn zertte. Taǵy da barshańyzdy merekelerińizben! Barlyǵyńyzǵa djambo!» – dedi Klaýs oqýshylar aldynda.
