Ǵasyrmen úndesken «Egemen Qazaqstan» basylymy Aqparat jáne qoǵamdyq damý ministrliginiń qoldaýymen álemdegi mańyzdy da ózekti taqyryptar jóninde biregei kontent ázirleitin Project Syndicate jobasy maqalalaryn jariialaýdyń ekskliýzivti quqyǵyn ielendi, dep habarlaidy "Ult aqparat".
«Project Syndicate avtorlarynyń qatarynda álemdik deńgeidegi saiasatkerler, ǵalymdar, zertteýshiler, biznesmender, 45 Nobel syilyǵynyń laýreaty, 111 memleket basshysy bar. Joba materialdary álemniń 150 elindegi 500-den astam buqaralyq aqparat quraldarynda jariialanady.
Project Syndicate-te jaryq kórgen kolýmnister men sarapshylardyń eń tańdaýly maqalalary men pikirlerin, saraptamalary men sholýlaryn qalyń oqyrmanǵa qazaq tilinde usynatyn bolamyz. Bul qadam elimizdegi media keńistiktiń aiasyn keńeitip, jurtshylyqtyń sapaly aqparat kózderine degen qoljetimdiligin arttyra túsetini sózsiz.
Gazettiń búgin qoldaryńyzǵa tigen sanyndaǵy arnaýly bette maqalalardyń alǵashqy legi jariialanyp otyr, dep jazady basylym.
Ulybritaniianyń 1997-2007 jyldardaǵy premer-ministri Toni Blerdiń Afrikadaǵy aýyl sharýashylyǵyna arnalǵan maqalasynda álemdegi azyq-túlik tapshylyǵyn boldyrmas úshin «qara qurlyqtaǵy» osy salany damytýdyń mańyzy týraly aitylady. Atalǵan maqala Memleket basshysy Qasym-Jomart Toqaevtyń biylǵy Joldaýynda aitylǵan aýyl sharýashylyǵyn damytý máselesimen úndesedi. Al koronavirýspen kúres jónindegi jariialanymda álemdi dúr silkintken indetpen tiimdi kúres tásilderi sóz bolady», - dep jazady basylym.
Osy taqyrypqa arnalǵan maqalalardy myna siltemeden oqýǵa bolady.
