Búgin bas basylym óziniń jas jýrnalisterge arnalǵan báigesiniń jeńimpazdaryn marapattady.
«Egemen Qazaqstan» gazetiniń jas jýrnalisterge arnalǵan syilyǵy biyl «Elorda – eldiktiń ainasy» degen taqyryp aiasyndaǵy 3 nominatsiia boiynsha – «úzdik tanymdyq material», «úzdik jýrnalistik zertteý» jáne «úzdik fotoreportaj» úshin jariialanǵan bolatyn.
Úmitkerlerdiń maqalalary 20 jyldyǵy atap ótip jatqan Astana qalasy týraly, onyń ótkeni men búgini, keleshegi hám tutas el damýynda alatyn orny jaiynda tarihi-tanymdyq turǵydan jazylyp, ózekti máselelerdi qozǵaǵan. Sonymen birge bas qalanyń elimizdi álemge áigileýdegi róli jóninde de dáiekti oi tolǵaýlar boldy.
Jalpy konkýrsqa otyzǵa jýyq material kelip túsken. Redaktsiia quramynan jasaqtalǵan qazylar alqasy materialdardy qarastyra kele, foto jumystar túspeýine bailanysty onyń ornyna Astana týraly taǵy bir úzdik materialdy «úzdik esse» atalymynda marapattaýdy jón kórdi.
Sonymen, konkýrstyq komissiianyń sheshimine sáikes, «úzdik tanymdyq material» nominatsiiasy boiynsha «Ortalyq Qazaqstan» gazetiniń bólim meńgerýshisi Jánibek Áliman, «úzdik jýrnalistik zertteý» nominatsiiasynda «Aq jelken» jýrnalynyń bas redaktorynyń orynbasary Aslan Tilegen, al «úzdik esse» nominatsiiasynda «Ulan» gazetiniń tilshisi Tańsholpan Tólegen jeńimpaz dep tanylyp, olardyń árqaisysyna arnaiy kádesyi jáne 200 000 (eki júz myń) teńge aqshalai syilyq tapsyryldy.
Eske sala keteiik, «Egemen Qazaqstan» gazetiniń jas jýrnalisterge arnalǵan syilyǵy úshin konkýrsy osymen ekinshi ret uiymdastyrylyp otyr.
Baǵashar TURSYNBAIULY,
«Egemen Qazaqstan»
