2020 jyldyń 1 aqpanynan bastap Tigran Sarkisiannyń ornyna EEK Alqasynyń tóraǵasy retinde Belarýs ókili Mihail Miasnikovich qyzmet atqaratyn bolady, dep habarlaidy QazAqparat.
RF prezidenti Vladimir Pýtin jiyn barysynda taraptardyń aldaǵy bes jylǵa arnalǵan EAEO sheńberindegi ortaq damý strategiiasyn keliskenin, alaida bul jumystyń ári qarai jalǵasatynyn atap ótti.
Sondai-aq, Resei Federatsiiasynyń basshysy EEK Alqasynyń jańa tóraǵasyna EAEO múshe memleketterdiń barlyq astanalaryna jeke barýdy, EAEO múshe elderiniń sarapshylarymen jáne úkimet basshylarymen kezdesýler ótkizýin surady.
«Mundai jumys paidaly bolar edi. Ol ózi úshin de qandai máselelerdi qosymsha úilestirý keregin naqtylap, bizdi de osy strategiia boiynsha túpkilikti sheshim qabyldaýǵa baǵyttalýymyz úshin aqparat berip otyrar edi», - dedi ol.
EEK Alqasynyń jańadan taǵaiyndalǵan tóraǵasy Mihail Miasnikovich óz sózinde qyzmetindegi negizgi mindetterge birlestikke múshe elderdiń tolyq integratsiiasy jáne EAEO negizgi qujattarynda belgilengen mindetterdi júzege asyrý úshin odan ári kúsh salý jatatyn atap ótti.
«Meniń oiymsha, biz infraqurylymnyń ortaq jobalaryn qurýda, tehnikalyq retteýmen bailanysty máselelerde jáne memleketterimizdiń ekonomikalary úshin birdei bolýy qajet máselelerde shyndap iske kirisýimiz kerek. Sondai-aq, ulttyq institýtymyzdy almastyrmastan, osy qurylymdardy tolyqtyrýymyz qajet. Birlesken iri kompaniialardy, ásirese jańa tehnologiialar salasynda jumys isteitin kompaniialardy qurýymyz shart», - dep túiindedi ol.
