EAEO elderi qurlyqtaǵy tasymaldy damytýda aitarlyqtai áleýetke ie. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Sharýashylyq tártibi is-sharalarynyń ózgerýi Eýropa men Aziia arasyndaǵy qurlyqtaǵy kólik-logistikalyq kúre jolǵa degen joǵary qyzyǵýshylyqqa túrtki bolady. Júkterdi jetkizý merzimin qysqartýǵa qatysty suranys ádettegiden de joǵary Osy turǵyda Eýraziialyq ekonomikalyq odaqtyń strategiialyq, geoekonomikalq basymdyǵy bar. Biz postpandemiialyq qalypqa kelýdiń negizgi faktorlarynyń biri bola alatyn qurlyqtaǵy tasymaldy damytýda aitarlyqtai áleýetke iemiz»,- dedi QR Prezidenti Joǵary Eýraziialyq ekonomikalyq keńestiń otyrysynda.
Qasym-Jomart Toqaev Odaq elderi jyldam transqurlyqtyq dálizderdi qalypastyrý, olardyń qoldanystaǵy jáne aldaǵy ýaqytta balama joldarmen salystyrǵanda óńirlik jáne jahandyq básekege qabilettiligin qamtamasyz etý qajettigin basa aitty.
«Transshekaralyq kúre joldar men azyq-túlik túlik qaýipsizdigin úilestirý turǵysynda Qazaqstannyń Eýraziialyq ekonomikalyq odaqtyń taýar ótkizýshi jelisin qurýǵa qatysty bastamasyna barynsha tyńǵylyqpen qaraý maqsatqa sai bolar edi dep esepteimiz. Qazaqstan sońǵy 2 jylda kóterme-taratý ortalqtarynyń ulttyq jelisin qurý baǵytynda jumys júrgizip jatyr. Biz Odaqqa múshe elderdiń taýar ótkizýshi júiesin qurý jáne integratsiialaýǵa belsendi qatysýǵa daiynbyz. Bul jumysqa Eýraziialyq damý bankiniń belsendi qosylyp, qazirgi ýaqytta tiisti qoldanbaly zertteý júrgizip jatqany qýantady», - dedi Memleket basshysy.
