1 qańtardan bastap Eýraziia ekonomikalyq odaǵy aiasynda órt qaýipsizdigin qamtamasyz etý jáne órt sóndirý quraldaryna jańa tehnikalyq reglament engiziledi, dep habarlaidy Eýraziia ekonomikalyq komissiiasy.
Eýraziia ekonomikalyq odaǵynyń 2017 jyly qabyldanǵan «Órt qaýipsizdigin qamtamasyz etý jáne órt sóndirý quraldaryna qoiylatyn talaptar» týraly tehnikalyq reglamenti kúshine endi.
Qujat órt qaýipsizdigin qamtamasyz etetin, órttiń aldyn alyp, sóndiretin, dúnie-múlikti qorǵaityn, adamdardy qyzyl jalynnan qutqaratyn arnaiy taýarlarǵa arnalǵan. Tehreglament talaptaryna jaýap beretin ónimder tizimi qosymshada kórsetilgen.
Bul negizinen órt sóndirýshi quraldar, órt shkaftary, qulaqtandyrýshylar, qysymdy shlang, órt sóndirýshiniń arnaiy qorǵaýshy kiimi, órt sóndirýshi jabdyqtar jáne basqalar.
Tehreglament biryńǵai mindetti talaptardy, sondai-aq órt qaýipsizdigin qamtamasyz etý jáne órt sóndirý quraldaryn sáikestendirý erejelerin jáne biryńǵai odaq naryǵyndaǵy ainalymyn, negizgi uǵymdaryn, odan bólek sáikestikti baǵalaý tártibin belgileidi. Negizi bul quraldardy toitarys beriletin qaýip-qaterdiń dárejesine qarai sertifikattaý nemese deklaratsiialaý arqyly tehnikalyq reglamentke sáikestigin baǵalaý kerek.
«Eýraziia ekonomikalyq odaǵy aiasyndaǵy jańa ǵana kúshine engen tehnikalyq reglament naryq qatysýshylary úshin óte mańyzdy. Óitkeni ol órt qaýipsizdigin qamtamasyz etý jáne órt sóndirý quraldaryn óndirý jáne qaýipsiz ainalymǵa shyǵarý talaptaryn belgileidi, – dep atap ótti EAEK tehnikalyq reglament jónindegi alqa múshesi Viktor Nazarenko. – 2020 jyldyń 1 qańtarynan bastap elderimizdiń ekonomikalyq yntymaqtastyǵy jolyndaǵy taǵy bir kedergiden qutyldyq deýge bolady».
