Tokioda ótetin Álem chempionatynda Qazaqstan namysyn qorǵaityn dziýdoshylardyń esimi belgili boldy, dep habarlaidy "Ult aqparat".
QR Ulttyq Olimpiadalyq komitetinen málim etkendei, 25 tamyz kúni Japoniia astanasy Tokioda dziýdodan álem chempionaty bastalady. Búginde Qazaqstan komandasy maýsymdaǵy eń iri sporttyq dodaǵa qyzý daiyndyq ústinde. «Dziýdodan Qazaqstan komandasy Býrabaidaǵy «Jaqsy» sport bazasynda daiyndyq ótkizýde. Bul álem chempionaty qarsańyndaǵy negizgi daiyndyq kezeńderiniń biri. 16 tamyzda Almatyǵa oralyp, Novoalekseevkada toǵyz kúndik jiyn ótkizemiz. Sodan soń álem chempionatyna attanamyz», - deidi bas bapker Aidyn Smaǵulov.
Tokiodaǵy Álem chempionatyna qatysatyn Qazaqstan komandasy:
60 keli: Eldos Smetov, Ǵusman Qyrǵyzbaev
66 keli: Erlan Serikjanov, Eldos Jumaqanov
73 keli: Jansai Smaǵulov
81 keli: Didar Hamza, Rýslan Musaev
90 keli: Islam Bozbaev
100 keli: Aibek Serikbaev
Aralas komandalyq syn:
73 keli: Serik Aqylbek
90 keli: Islam Bozbaev
+100 keli: Erasyl Qajybaev