Qazaqstandyq dziýdoshy Didar Hamza Ábý-Dabide ótip jatqan "Grand Slam" týrnirinde qola júldeger atandy, dep habarlaidy "Ult aqparat".
Qazaqstan dziýdo federatsiiasynyń saitynan alynǵan málimetke qaraǵanda, 81 kg salmaqta tatamige shyqqan Didar jubanysh finalynda álem chempiony, iran palýany Said Mollaidan basym tústi.
Týrnir barysynda D.Hamza aldymen qyrǵyzstandyq Vladimir Zoloevty, sosyn reseilik Aslan Lappinagovty jeńdi. Shirek finalda Izrail eliniń ókili Mýki Sagige ese jibergenimen, jubanysh beldesýinde bolgariialyq Ivailo Ivanovty utyp, qola júlde úshin kúresýge múmkindik aldy.
Bul - qazaqstandyqtardyń "Grand Slam" týrnirindegi úshinshi medali.
Eske sala keteiik, buǵan deiin Erjan Serikjanovtyń kúmis, Ǵusman Qyrǵyzbaevtyń qola júlde alǵanyn jazǵan bolatynbyz.
