AQSh vitse-prezidenti bolyp turǵan tusta Djo Baidenniń Qytai basshysy Si Tszinpinmen kezdesýi. 2011 jyl.
AQSh Qytaidyń "Taivanǵa áskeri, diplomatiialyq jáne ekonomikalyq qysymyna" alańdaidy. AQSh prezidenti Djo Baiden men Qytai basshysy Si Tszinpinniń virtýal sammiti qarsańynda Vashington osyndai málimdeme taratty.
AQSh memlekettik hatshysynyń resmi ókili Ned Prais 13 qarasha kúngi málimdemesinde bir kún buryn memlekettik hatshy Entoni Blinkenniń Qytai syrtqy ister ministri Van Imen telefon arqyly sóileskenin habarlady, dep jazady Azattyq.
"Memlekettik hatshy prezident Djo Baidenniń Qytai basshysy Si Tszinpinmen virtýal kezdesýdiń daiyndyq barysyn talqylady. Bul kezdesý eki basshyǵa AQSh pen Qytai múddeleri túiisetin salalarda jaýapty túrde básekelesý máselesin talqylaýǵa múmkindik beredi" dedi Prais.
Onyń aitýynsha, Blinken "AQSh-tyń Taivan aralynda beibitshilik pen turaqtylyqtyń ornaýyna múddeli ekenin aityp, Qytaidyń áskeri, diplomatiialyq jáne ekonomikalyq qysymyna alańdaýshylyq bildirgen".
Ol "Taivan buǵazymen bailanysty máselelerdi beibit jolmen jáne Taivan halqynyń múddesi men tilekterin eskere otyryp sheshý úshin" Pekindi konstrýktivti dialogqa shaqyrǵan.
"Interfakstyń" jazýynsha, senbi, 13 qarashada Qytai SIM Blinkenge Qytaidyń Taivan boiynshy ustanymyn jetkizgen. Qytai syrtqy ister ministri Van I "Taivan táýelsizdigi" buǵazdaǵy "beibitshilik pen turaqtylyqqa tóndiretin eń úlken qater" ekenin tarih pen qazirgi ahýal tolyq dáleldedi" dep málimdegen.
Eki el basshycynyń kezdesýi Vashington ýaqytymen dúisenbi, 15 qarasha – Pekin ýaqytymen seisenbi, 16 qarashaǵa josparlanǵan. Pekin men Vashington arasyndaǵy ýaqyt aiyrmashylyǵy – 13 saǵat.
