Foto: ashyq derekkóz
Almatyda Jastar saiasaty basqarmasynyń «Dúisenbilik sport» jobasy aiasynda NEET sanatyndaǵy jastar arasynda voleiboldan ótken týrnir óz máresine jetti. Jarysty Social Project Management ortalyǵy uiymdastyrdy.
Týrnirge qaladaǵy «Salamat», «Baisat», «Altyn Orda», «Tastaq» syndy iri bazarlardyń jastary men jumyssyz jastardan quralǵan 16 komanda qatysty. Komandalar aralas quramda (uldar men qyzdar birge) oinady.
Týrnirdiń alǵashqy kúni irikteý oiyndaryna arnaldy. Komandalar tórt topqa bólinip, kelesi kezeńge ótý úshin ózara baq synasty. Ár kezdesý eki setten turyp, esep teń bolǵan jaǵdaida úshinshi sheshýshi set oinatyldy.
Finalǵa joldama alǵan tórt komanda:
-
«Aqbulaq»,
-
«Arystan»,
-
«Jańa Ialian»,
-
«Batyr».
Jeńimpazdar:
-
1-oryn – «Aqbulaq» komandasy (250 000 teńge syilyq);
-
2-oryn – «Arystan» komandasy (150 000 teńge);
-
3-oryn – «Jańa Ialian» jáne «Batyr» komandalary (árqaisysy 50 000 teńgeden).
Jobanyń maqsaty – jastardy sportqa baýlý jáne salaýatty ómir saltyn nasihattaý. Buǵan deiin bul joba aiasynda shaǵyn fýtbol, ústel tennisi jáne kibersport týrnirleri ótken. Kelesi kezekte – basketbol jarysy josparlanyp otyr.
Uiymdastyrýshylardyń aitýynsha, sporttyq jobalar arqyly bazar jastarynyń áleýmettenýine, belsendi ómir saltyn ustanýyna jáne jańa dostar tabýyna múmkindik jasalyp otyr.
