Dýbaidaǵy jol apatynan zardap shekken Qazaqstan azamattary joq. Bul týraly QR Syrtqy ister ministrliginiń baspasóz hatshysy Aibek Smadiiarov aitty, dep habarlaidy "Ult aqparat".
«Dýbaida týrister mingen avtobýstyń apatqa ushyraýynan qaza tapqan jáne zardap shekken adamdardyń arasynda Qazaqstan azamattary joq», - dedi Aibek Smadiiarov.
Esterińizge sala ketsek, 6 maýsym kúni Dýbaida jergilikti ýaqyt boiynsha 17.40-ta memlekettik nómiri Oman Sultandyǵynda tirkelgen týristik avtobýs jol apatyna ushyrady. 31 jolaýshy mingen avtobýs sheih Muhammad ben Zaid jolymen metroǵa bara jatqan. Apat saldarynan ártúrli elden kelgen 15 týrist qaza taýyp, 5 adam aýyr jaraqattanǵan.
