QR Densaýlyq saqtaý ministrligi buqaralyq aqparat quraldaryndaǵy dozalar arasyndaǵy aralyqty qysqartqysy keletinderdiń ótinishinen bas tartý týraly aqparat shyndyqqa sáikes kelmeitinin resmi túrde málimdeidi.
Bul týraly QR Densaýlyq saqtaý ministrliginiń resmi saity habarlady.
«Bas sanitarlyq dárigerdiń Qaýlysynda azamattardyń ótinishi boiynsha 21-90 kún aralyǵynda vaktsina alýǵa bolady dep kórsetilgen. Ekinshi dozany birinshi vaktsinatsiia júrgizilgen jerden alý qajet ekenin atap ótken jón. Sondai-aq, Densaýlyq saqtaý ministrligi vaktsinany jasaýshylardan, RǴA akademigi, Gamaleia ulttyq epidemiologiia jáne mikrobiologiia ǵylymi-zertteý ortalyǵynyń direktory Aleksandr Gintsbýrgten dozalar arasyndaǵy aralyqtyń ulǵaiýy immýndyq jaýaptyń kúshine áser etpeitinin jáne keibir jaǵdailarda immýnitettiń joǵary belsendiligine ákeletini týraly resmi hat alǵanyn eske salamyz», - delingen habarlamada.
Osyǵan bailanysty «Spýtnik V» ekinshi komponentimen vaktsinalaý merzimi uzartyldy.
Bas sanitarlyq dárigerdiń qaýlysyna sáikes eki dozanyń arasyndaǵy aralyq 21-den 45 kúnge deiin ulǵaityldy, al jalpy «Spýtnik V» ekinshi komponentimen 90 kún ishinde vaktsinalaýǵa ruqsat.
«Aralyqty ulǵaitý halyqty immýndaý isin aitarlyqtai jedeldetýge múmkindik beredi, sebebi qazirgi ýaqytta meditsina qyzmetkerleriniń barlyq kúshteri vaktsinanyń birinshi komponentimen qamtýǵa baǵyttalǵan. Vaktsinanyń birinshi komponentin engizý 12-14 kúnnen keiin antideneler shyǵarýdy qamtamasyz etýge jáne 3 aptadan keiin immýnitet qalyptastyrýǵa múmkindik beredi», - dep atap ótti Densaýlyq saqtaý ministri Aleksei Tsoi.
Bul rette, qajet bolǵan jaǵdaida, Qazaqstan azamattary vaktsinanyń birinshi komponentin alǵan jeri boiynsha ótinish bere alady jáne 21-shi kúni ekinshi komponentti ala alady.
Esterińizge sala keteiik, KVI-ǵa qarsy vaktsinatsiia eki kezeńde júrgiziledi: aldymen I komponentpen 0,5 ml dozada, sodan keiin 45 kúnnen keiin vaktsinatsiia kúnin eseptemegende - II komponentpen 0,5 ml dozada; bul rette jekelegen jaǵdailarda vaktsinalanýshynyń ótinishi negizinde II «Gam-KOVID-Vak» komponentimen 21 kúnnen 90 kúnge deiingi kezeńde vaktsinatsiia júrgizýgebolady.
Qazirgi ýaqytta eldiń meditsina mekemelerinje KVI-ǵa qarsy vaktsina jetkilikti. Búgingi tańda «Spýtnik V» vaktsinasynyń birinshi komponenti – shamamen 200 myń doza, ekinshi komponent – 220 myń dozadan astam. Budan basqa, halyqty immýndaý úshin BAÁ «Sinofarm» kompaniiasymen birlesip shyǵarǵan 28 myńnan astam doza otandyq «QazVac» vaktsinasy jáne 350 myńǵa jýyq doza «Hayat-Vax» vaktsinasy bar.
Osy aptada 400 myń dana kóleminde ekinshi komponenttiń vaktsinalary keledi dep kútilýde.
Koronavirýs infektsiiasyna qarsy vaktsinalar elge kestege sáikes jáne jetkilikti mólsherde jetkizilip jatyr.
