QR Densaýlyq saqtaý ministri Aleksei Tsoi koronavirýsqa qarsy vaktsina óndirýshilermen kelissózder júrip jatqanyn aitty, dep habarlaidy QazAqparat tilshisi.
«Vaktsina boiynsha sáýir aiynda eki million dozany jetkizýdi josparladyq. Onyń ishinde 500 myńyn kútip otyrmyz. Bizde joǵary deńgeidegi ýaǵdalastyq bar. Qazirgi kezde basqa da óndirýshilerden vaktsinany kútip otyrmyz. Qazirgi kelisimshart jasaý kezeńinde bolǵandyqtan, aqparatty ázirge jariialai almaimyz. Shart bekitilgen kezde, ony jariia etemiz. Degenmen 500 myń kólemindegi vaktsinany sáýir aiynyń sońyna deiin alýdy josparlap otyrmyz», - dedi Tsoi Ortalyq kommýnikatsiialar qyzmetinde.
Sonymen qatar ol Sinovac, Pfizer, Modern vaktsinalary boiynsha kelissózder qarastyrylyp jatqanyn aitty.
«Qazirgi kezde qurǵan kestelerin pysyqtap jatyr, olardyń árqaisysy der kezinde jetkizýge tyrysyp jatyr», - dedi ministr.
