Atyraý oblysynyń ákimi Mahambet Dosmuhambetov orynbasarynyń kinási dáleldense, otstavkaǵa ketýge daiyn ekendigin aitty, dep habarlaidy "Ult aqparat".
«Memlekettik qyzmet týraly» zańǵa sáikes, árbir saiasi qyzmetshi ózine tikelei baǵynyshty qyzmetker jemqorlyqpen ustalsa jáne ol sot sheshiminde anyqtalsa, onda otstavkaǵa ótinish berýi tiis. Mende barlyǵy siiaqty zańǵa baǵynamyn. Sondyqtan áshkerelenip jatsa, onda zańǵa sai áreket etemin», - dedi Mahambet Dosmuhambetov Ortalyq kommýnikatsiialar qyzmetindegi brifing barysynda BAQ ókilderiniń saýalyna orai.
Aita keteiik, ótken jyldyń qyrkúieginde sot Atyraý oblysy ákiminiń birinshi orynbasary Nurlan Taýbaev pen oblystyq qurylys basqarmasynyń basshysy Timýr Basarovty 2 ai qamaýǵa alý týraly sheshimdi maquldady. Olar tergeý izoliatoryna qamalǵan edi. Kúdiktiler 10 qyrkúiekte 182 million teńge kóleminde para aldy degen kúdikpen ustalǵan bolatyn.
