Italiiada arestte turǵan "Shaherezada" sýper iahtasyn qurastyrýǵa 583 million eýro jumsalǵan. Múlik qujatynda iahtanyń "Rosneft" kompaniiasynyń burynǵy prezidenti Edýard Hýdainatovqa tiesili ekeni jazylǵan.
Reseilik oligarhtar ony prezident Vladimir Pýtinge jańajyldyq syilyq retinde tartý etken. Mundai málimetti "Dose" zertteý ortalyǵy taratty, dep habarlaidy Azattyq.
Sýper iahta biyl mamyr aiynda Italiiadaǵy Marina di Karrara portynda arestke alyndy. Sol kezde jergilikti bilik bul múlik sanktsiia tizimindegi reseilikterdiń birine tiesili bolýy múmkin ekenin aitqan. Italiia biligine hat jazǵan Hýdainatov iahtanyń óziniki ekenin jáne ózinde taǵy eki sýper iahta - 106 metrlik "Amadeia" men 135 metrlik "Kresent" baryn aitqan.
Biraq AQSh biligi "Kresent" iahtasyn sanktsiia tizimindegi milliarder Súleimen Kerimovke tiesili dep esepteidi. Al Ispaniiada arestke alynǵan "Kresent" iahtasyn jergilikti bilik Igor Sechinniń múlki dep otyr.
Eýroodaq elderiniń birlesken zertteýinde Hýdainatov mundai qymbat múlikke ielik etetindei bai emes ekeni aitylǵan. EO biliginiń málimetinshe, Germaniiada iahta qurastyrý qunyn bes kompaniia tólegen.
"Ofshordaǵy bul kompaniialardyń kem degende bireýi reseilik kásipkerge tikelei qatysy bolýy múmkin" dep boljaidy "Dose". Zertteýshiler iahtany jasaý qunyn tólegen kompaniiaǵa "Sýmma" toby qojaiyndarynyń biri Ziiavýdin Magomedov ielik etetinin anyqtaǵan. Joba derekkóziniń aitýynsha, Magomedov – Pýtinge "Shaherezadany" syiǵa tartqan oligarhtardyń biri.
Basylym málimetinshe, jańajyldyq syilyqqa aqshany milliarder Gennadii Timchenko jinaǵan. "Dose" syilyqqa úlesken qosqan basqa da oligarhtardyń esimin atamady. "Shaherezada" Resei prezidenti Vladimir Pýtinge tiesili ekeni týraly málimet buǵan deiin basqa da zertteýlerde aitylǵan. Iahta ekipajy Federaldyq kúzet qyzmetiniń mamandarynan turatyny aitylǵan.
Kreml "Dose" materialyna qatysty ázirge pikir bildirmedi.
7 qyrkúiekte Pýtin reseilikterdiń sheteldegi aktivteriniń buǵattalýy "barlyǵyna sabaq boldy" dep málimdegen. Ol reseilik kásipkerler iahtalaryn Reseide ustasa, aqshalaryn shetel aktivterine salmasa, "eshteńe joǵaltpas edi" degen. Pýtinniń sózin "Izvestiia" basylymy jariialady.
Biyl aqpan aiynda Gambýrg portynan Kaliningradqa 82 metrlik "Greisfýl" sýper iahtasy ótti. Ony da Pýtinmen bailanystyrýshylar bar. Iahta Kaliningrad jaqqa ótken kúnnen eki aptadan soń, 24 aqpanda Vladimir Pýtin Ýkrainaǵa soǵys ashty.
