Almatylyqtar toǵyz jyl boiy úilerine jaqyn ornalasqan tsement zaýyty máselesin sheshe almai keledi. Almaty ákiminiń Jetisý aýdany turǵyndarymen kezdesýinde qala turǵyndary máseleni taǵy da kóterdi, - dep habarlaidy Tengrinews.kz agenttigi.
Jergilikti turǵynnyń aitýynsha, sot barlyq ruqsatty qaitaryp alý týraly sheshim shyǵarǵan.
"Alaida zaýyt belsendi jumysyn jalǵastyryp jatyr. Alty sotta jeńip shyqtyq. Biraq bári qazir merdiger sheshimin kútip otyrmyz deidi", - dep almatylyq qala basshysy Erbolat Dosaevqa júgindi.
Megapolis basshysy oǵan sońǵy sot sheshimi biyl 1 qyrkúiekte shyqqan dep jaýap berdi. Degenmen, qazir tsement zaýytynyń ieligindegi kompaniia zańgerleri kassatsiialyq shaǵym túsirip jatyr.
"Zań boiynsha kompaniianyń Joǵarǵy Sotqa mundai shaǵym berýge quqyǵy bar. Al odan keiin atqarýshy óndiristi júzege asyra alamyz. Biz merzimdi túrde atqarý paraǵyn berip turatynymyzdy bilesizder. Biraq biz barlyq instantsiiadan ótip, tek kassatsiialyq saty qalǵandyqtan qozǵala almaimyz. Degenmen, ýáde etkenimdei, qalǵan barlyq máseleni baqylaýda ustaimyz.
Kásiporynǵa keletin bolsaq, ókinishke qarai, qoldanystaǵy zańnama sońǵy sot sheshimi shyqqanǵa deiin shara qoldanýǵa múmkindik bermeidi. Kásipkerlikti qorǵaýǵa qatysty qoldanystaǵy zańdar men erejelerdiń ózinde Almaty ákiminiń de ókileti shekteýli. Men bassyzdyqpen ainalysa almaimyn. Kerisinshe, men zań salasynda ekenimdi kórsetýim kerek. Eger zaýytty qalai toqtatý keregin bilseńiz, maǵan aityńyz. Men dereý buiryq beremin", - dedi Dosaev.
Ol sheneýnikter zaýyt iesimen qosymsha kelissózder júrgizip jatqanyn aitty.
"Men olarǵa ne isteý kerek ekenin túsindirdim. Biraq, ókinishke qarai, búginde áli sheshim kútip júrmiz. Múmkin, tabiǵatty qorǵaý zańnamasyna qatań talaptar engizilgende, olardyń jumysyn birden toqtata alar ma edik. Biraq Joǵarǵy Sotqa baryp kúresýdi jalǵastyramyz. Bul protsesti erekshe baqylaýda ustaimyn", - dedi qala ákimi.
2009 jyly Almaty ákimdigi zaýyt aýmaǵyn jekemenshikke bergen. Keiin 2013 jyly munda tsement elevatory salynǵan. Jaqyn mańdaǵy turǵyndar zaýyt úilerine 20 metr jetpei jatqanyna shaǵymdanady. Olardyń aitýynsha, kásiporynnyń paida bolýymen olardyń densaýlyqtary astma, bronhit jáne allergiia kórinisteri túrinde qatty nasharlaǵan.
