Almaty ákimdigi Qazaqstannyń Halyq ártisi Roza Rymbaevanyń mereitoilyq kontsertine 111 mln teńge bólmek, dep habarlaidy Ulysmedia.kz.
Bul týraly Facebook jelisinde Erlan Nurpeiisov esimdi azamat jazdy. Onyń sózinshe, Almaty ákimdiginiń mádeniet basqarmasy boiynsha osy jylǵa arnalǵan biýdjet jobasynda Roza Rymbaevanyń esep berý keshine 111 mln teńge bólý kózdelgen.
“Biletter ádettegidei satylymǵa shyǵarylyp, ákimdik jarnama jáne kontsert ótetin oryndy tegin usynyp, nege kommertsiialyq kesh ótkizilmeidi? Eger ákimdik halyqtyń qarjysymen kontserttiń barlyq shyǵynyn japqysy kelse, ashyq tender ótkiziledi dep úmittenemin, óitkeni tek dybys pen jaryqtyń ózine 46 mln teńge jumsalmaqshy”, – dep jazdy ol.
Sondai-aq, keshti jarnamalaý úshin 17 mln teńge jumsaý josparlanyp otyr.
“Eger ákimdik barlyq shyǵyndy kóteretin bolsa, jarnamaǵa nelikten munsha qarjy jumsalýy kerek? Kommertsiialyq investitsiialar bolmasa, kiris kútýdiń de qajeti joq pa? Álde biletter satylymǵa shyǵaryla ma? Eger satylatyn bolsa, túsken aqsha kimniń qaltasyna túsedi?”, – dep tańyrqaidy jazba iesi.
