Prezident Qasym-Jomart Toqaev Almaty qalasynyń ákimi Erbolat Dosaevty qabyldady, - dep habarlaidy "Ult aqparat" Aqordaǵa silteme jasap.
Memleket basshysyna Almaty qalasynyń biylǵy qańtar-mamyr aralyǵyndaǵy áleýmettik-ekonomikalyq jaǵdaiy týraly esep berildi. Sondai-aq qala ákimi ekonomikanyń turaqty ósimin qamtamasyz etýge qatysty Prezident tapsyrmalarynyń oryndalý barysy jóninde baiandady. Onyń aitýynsha, qysqa merzimdi ekonomikalyq indikator 107,6 paiyzǵa deiin ósken, negizgi kapitaldaǵy investitsiialardyń ósimi 20,9 paiyzdan asqan, saýda-sattyq qalpyna keltirilgen, jumys istep turǵan shaǵyn jáne orta biznes sýbektileriniń sany 19,5 paiyzǵa artqan.
Qasym-Jomart Toqaevqa "Almaty qalasynyń 2025 jylǵa deiingi damý josparynyń negizgi basymdyqtary jáne 2030 jylǵa deiingi orta merzimdi perspektivalar" jobasy usynyldy.
Memleket basshysyna Abai dańǵylynyń ońtústiginde, taýly jáne taý bókterindegi aimaqtarda 9 qabattan biik ǵimarattardyń qurylysyn júrgizýge tyiym salatyn jańa erejelerdiń qabyldanýy, sondai-aq injenerlik infraqurylymdy jańartý jospary týraly málimet berildi.
Erbolat Dosaev mańyzdy áleýmettik máselelerdi sheshýge, onyń ishinde "Almaty jastary" baǵdarlamasy aiasynda jumys isteitin jastarǵa turǵyn úi satyp alýǵa, meditsinalyq-áleýmettik mekemelerde tamaqtandyrý sapasyn arttyrýǵa, sirek kezdesetin aýrýlardy tegin dári-dármekpen qamtamasyz etýge, balalarǵa arnalǵan sport sektsiialary men shyǵarmashylyq úiirmelerin qarjylandyrýǵa qarajat bólingenin jetkizdi.
Kezdesý sońynda Prezident Almaty qalasyn odan ári damytý jáne turǵyndardyń turmys sapasyn arttyrý jóninde birqatar tapsyrma berdi.
