Ulttyq bankiniń tóraǵasy Erbolat Dosaev infliatsiianyń nysanaly dálizine qatysty pikir bildirdi, dep habarlaidy QazAqparat.
«Qazaqstanda Ulttyq banktiń kásiporyndarǵa júrgizetin saýalnamasy ulttyq ekonomikanyń qalpyna kele bastaǵanyn kórsetedi. Biylǵy jylǵy 1-toqsanda iskerlik belsendilik indeksi 2020 jyldyń basynan bastap alǵash ret ósý aimaǵyna (50+) ótti. Biylǵy jylǵy naýryzda qyzmet kórsetý sektory (50,7) jáne ónerkásip (50,4) tarapynan oń úles qosý nátijesinde indeks 50,6 tarmaqqa, osy jylǵy sáýirde 50,5 tarmaqqa jetti. Munaidyń barynsha joǵary baǵasy, memlekettiń qoldaý sharalaryn jalǵastyrýy jáne jappai vaktsina egýdiń bastalýy aiasynda ekonomikanyń qalpyna kele bastaýy 2021 jyly Qazaqstandaǵy ekonomikalyq ósý jónindegi boljamdardy jaqsartýǵa múmkindik berdi. Qazirgi qolaily syrtqy jaǵdailar saqtalǵan jáne qatań shekteýler bolmaǵan jaǵdaida, Halyqaralyq Valiýta Qory 2021 jyly álemdik ekonomikanyń ishki jalpy óniminiń 6 paiyzǵa ulǵaiýyn, Qazaqstandaǵy ishki jalpy ónimniń 3,2 % deńgeiinde ósýin kútedi», - dedi UB basshysy Senattyń jalpy otyrysynda.
Joǵaryda atalǵandardy eskere otyryp, Ulttyq bank 2021 jylǵa arnalǵan aqsha-kredit saiasaty kórsetkishteriniń jáne tólem balansynyń jańartylǵan boljamdaryn usyndy.
Osy oraida Ulttyq bank infliatsiiaǵa qatysty onyń 2021 jyldyń sońyna qarai 4-6% nysanaly dáliziniń joǵarǵy shegine deiin baiaýlaýyn kútedi. 2020 jyly infliatsiianyń 7,5%-ke deiin údeýin naryqtarda jekelegen azyq-túlik ónimderi teńgerimsizdiginiń kúsheiýi, karantindik sharalar jaǵdaiynda shikizat pen ónimdi jetkizý tizbeginiń buzylýy aiasyndaǵy azyq-túlik baǵasynyń ósýi týyndatty.
«Biylǵy jylǵy sáýirde Qazaqstanda infliatsiia azyq-túlik infliatsiiasynyń 10,7 paiyzdan 9,8 paiyzǵa deiin tómendeýi esebinen ekinshi ai qatarynan 7% deńgeiinde saqtaldy. Azyq-túlikke jatpaityn infliatsiia iskerlik belsendiliktiń iske qosylýy, halyq tabysynyń qalpyna kelýi nátijesinde 5,6 paiyzdan 6,4 paiyzǵa deiin jyldamdady. Aqyly qyzmetter infliatsiiasy 3,7 paiyzdan 4,1 paiyzǵa deiin jedeldedi, bul jeke qyzmet oryndary qyzmetteriniń qymbattaý nátijesinde oryn aldy. 2021 jyly infliatsiia 4-6% nysanaly dálizine kirý úshin áli de joǵarǵy kórsetkishte saqtalyp otyrǵan azyq-túlik baǵasy ósýiniń baiaýlaýy negizgi faktor bolyp otyr», - dedi Dosaev.
