QR Ulttyq bankiniń tóraǵasy Erbolat Dosaev aldaǵy jyldardaǵy infliatsiia deńgeiine túsinik berdi, dep habarlaidy "Ult aqparat".
«2020 jyly álemdik ekonomikanyń damýyn jáne joǵaryda atalǵan faktorlardy eskere otyryp, 2021-2023 jyldarǵa arnalǵan respýblikalyq biýdjettiń parametrlerin qalyptastyrý úshin Ulttyq bank aqsha-kredit saiasaty kórsetkishteriniń tiisti boljamyn ázirledi. Birinshiden, syrtqy kútilmegen ózgerister infliatsiianyń serpinine teris áserin tigizýde. Biylǵy qazan aiynda infliatsiia jyldyq mánde 7,1 paiyz boldy. Bizdiń baǵalaýymyz boiynsha baǵa ósýiniń negizgi áseri birtindep tejelip, 2021-2022 jyldary infliatsiia 4-6 paiyz dálizine oralady», - dedi Senattyń jalpy otyrysynda.
Onyń aitýynsha, Memleket basshysynyń daǵdarysqa qarsy bastamalary aiasynda Qazaqstandaǵy iskerlik belsendilikti qoldaý úshin Ulttyq bank jalpy somasy 2,3 trln teńgege jeńildikti kreditteý baǵdarlamalaryn qarjylandyrady. Bul daǵdarysqa qarsy toptamany qarjylandyrýdyń 50 paiyzdan astamyn quraidy.
«2020-2021 jyldary ekonomikalyq ósýdi qalpyna keltirý jónindegi keshendi jospardy iske asyrý sheńberinde Úkimet pen Ulttyq banktiń úilestirilgen is-qimyldary Qazaqstan ekonomikasynyń ornyqty ósý traektoriiasyna shyǵýyna múmkindik beredi. Bul jaǵdailarda Qazaqstan ekonomikasyn aitarlyqtai ártaraptandyrýǵa, importqa táýeldilikti tómendetýge jáne jedeldetilgen tsifrlandyrýǵa baǵyttalǵan júieli jáne uzaqmerzimdi sharalardy qabyldaýdyń mańyzdylyǵy artady», - dedi UB basshysy.
Dosaevtyń sózine qaraǵanda, osy sharalar 2025 jylǵa qarai 3-4 paiyz deńgeiindegi turaqty tómen infliatsiiany qamtamasyz ete otyryp, aqsha-kredit saiasatynyń eldiń ekonomikalyq damýyna yqpal etý áleýetin kúsheitýge múmkindik beredi.
