Eýraziialyq odaq aýmaǵynda biryńǵai valiýta engizilmeidi. Bul týraly búgin ulttyq bank tóraǵasy Erbolat Dosaev málimdedi, dep habarlaidy Sputnik Qazaqstan.
Dosaev EAEO qurýdaǵy basty maqsat - valiýtalyq emes, ekonomikalyq odaq qurý bolǵanyn atap ótti.
"Biryńǵai valiýta týraly suraq ádeii ártúrli formada ara-tura qoiylyp otyrady. Kelisimde biryńǵai valiýtalyq odaq qurý jáne biryńǵai valiýtaǵa kóshý qarastyrylmaǵan. Kelisimshartta bul naqty jazylǵan. EAEO-nyń ár qatysýshysy qarjylyq sýverenitetti saqtaidy", - dedi ol májilis kýlýarynda.
Dosaev ulttyq bank qarjy naryǵyn retteýshi retinde aqsha-nesie saiasatyn júrgizýge, qarjylyq turaqtylyqty qamtamasyz etýge, daǵdarysqa qarsy qajetti sharalar qabyldaý salasynda ókilettikti tolyǵymen qaldyratynyn aitty.
Buǵan deiin Reseidiń qarjy ministrligi EAEO elderinde (Qazaqstan, Resei, Belarýs, Qyrǵyzstan jáne Armeniia) transshekaralyq esep júiesine biryńǵai elektrondy valiýta engizý ideiasyn qoldaǵan bolatyn.
Sol kezdegi Ulttyq ekonomika ministri Timýr Súleimenov EAEO elderinde biryńǵai elektrondy valiýta engizýge qarsy ekenin málimdedi.
