Foto: point.md
21 jeltoqsanda keshke Ýkrainanyń Donetsk oblysynda "Roskosmostyń" burynǵy basshysy Dmitrii Rogozinniń týǵan kúni toilanyp jatqan dámhana atqylaýǵa ushyrady. Bul jóninde Baza jáne "Tipichnyi Donetsk" telegram-arnasy habarlady.
Al RIA Novosti agenttiginiń habarlaýynsha, Rogozin jaralanǵan, biraq ómirine qaýip joq.
Sondai-aq RUPTLY agenttigi jarylystan keiingi kadrlardy jariialady. Onda keminde bir adamnyń opat bolǵany kórinedi.
Kei aqparatqa qaraǵanda, ózin respýblika jariialap alǵan "Donetsk halyq respýblikasyndaǵy" úkimet jetekshisi Vitalii Hotsenkonyń kúzetshisi qaza tapqan bolýy múmkin. Hotsenkonyń ózi jaralanǵan. Baza keminde bes adamnyń zardap shekkenin jazady.
"Roskosmostyń" burynǵy basshysy Dmitrii Rogozin memlekettik korporatsiiany 2018 jyldyń mamyr aiynan bastap 2022 jyldyń shildesine deiin basqarǵan. Kúzde Rogozin "áskeri operatsiia" aimaǵyna baryp, "sarapshylar tobyna" jetekshilik etetinin málimdegen. Toptyń maqsaty "Resei armiiasy bólimderine áskeri-tehnikalyq kómek kórsetý" dep aityldy.
21 jeltoqsanda Rogozin 59-ǵa tolǵan.
