«QazAqparat» HAA Memleket basshysynyń «Bolashaqqa baǵdar: rýhani jańǵyrý» baǵdarlamasy aiasynda úzdik dizainerlik bezendirýge konkýrs jariialaidy.
Konkýrstyń maqsaty - «Rýhani jańǵyrý» baǵdarlamasyn halyq arasynda keńinen nasihattap, mádeni-rýhani qundylyqtarǵa betburys jasaý, sondai-aq Elbasy bastamasynyń tanymaldylyǵyn arttyrý. Sonymen qatar, atalǵan shara arqyly shyǵarmashylyq ortany qoldai otyryp, zamanaýi mádenietti «Rýhani jańǵyrý» qundylyqtarymen jaqyndastyra túsý kózdeledi.
Respýblikalyq konkýrs nátijesinde úzdik dep tanylǵan týyndy (grafikalyq illiýstratsiialar) «Rýhani jańǵyrý» taqyrybyndaǵy túrli dekoratsiialarǵa, baspa ónimderine, kiimderge jáne taǵy basqalarǵa qoldanylatyn bolady. Sondyqtan da, dizainerlik ideialar negizinen «Rýhani jańǵyrý» baǵdarlamalyq maqalasyndaǵy qundylyqtarǵa, atap aitqanda, «Básekelik qabilet», «Pragmatizm», «Ulttyq biregeilikti saqtaý», «Bilimniń saltanat qurýy», «Qazaqstannyń revoliýtsiialyq emes, evoliýtsiialyq damýy», «Sananyń ashyqtyǵy» sekildi alty baǵytqa sai bolýy shart.
Árbir qatysýshy nemese ujym atalǵan 6 baǵyttyń árqaisysyna tek 1 ǵana jumysyn usyna alady.
Atap óteiik, konkýrs materialdary qarasha aiynyń 1-inen jeltoqsan aiynyń 15-ine deiingi aralyqta qabyldanady. Konkýrsqa qatysýshylar úshin jas boiynsha eshqandai shekteý qoiylmaidy. Konkýrsqa qatysý úshin Erejemen tanysýy jáne qatysý týraly ótinish formasyn toltyrýy tiis.
Qatysýshylardyń jumysyn arnaiy qurylatyn ádilqazylar anyqtaidy, sonymen birge «QazAqparat» HAA saitynda onlain-daýys berý júrgiziledi. Ár nominatsiia boiynsha jeńimpazdar arnaiy diplomdarmen jáne aqshalai syiaqymen marapattalady.
Gran-pri iesi 2 million teńgege aqshalai syiaqyǵa ie bolady.
Sonymen qosa, úzdik tanylǵan týyndylar boiynsha:
1-oryn - 1 500 000 teńge,
2 oryn - 1 000 000 teńge,
3 oryn - 500 000 teńge syiaqy belgilenip otyr.
Budan bólek, konkýrsqa qatysýshylar arasynda yntalandyrý syilyǵy retinde jalpy qory 1 000 000 teńgeni quraityn arnaiy júldeler de bar.
Bul boiynsha:
1- arnaiy júlde - 400 000 teńge;
2-arnaiy júlde - 400 000 teńge;
3-arnaiy júlde - 200 000 teńge syiaqy alatyn bolady.
Konkýrs jeńimpazdarynyń týyndylary «QazAqparat» HAA saitynda ornalasatyn bolady.
Konkýrstyń tolyq Erejesimen myna silteme arqyly tanysýǵa bolady.
