Bala quqyqtary jónindegi ýákil Dinara Zákieva qoǵamdy dúr silkindergen atyshýly isterdi jiti baqylap otyrǵanyn aitty, - dep habarlaidy "Ult aqparat" Massaget.kz-ke silteme jasap.
Bul týraly ol áleýmettik jelidegi paraqshasynda bólisti.
"Jaqynda Saltanat Núkenovanyń ólimine qatysty atyshýly istiń soty bastalady. Almatyda qaza tapqan 4 jasar balanyń soty ótip jatyr. Aqpannyń ortasynda Almaty oblysyndaǵy 3 jasar egiz ben olardyń úlken ápkesin zorlaý isi boiynsha sot bastalady. Barshamyzdy dúr silkindirgen osyndai sumdyq oqiǵalar ár joly bir úlken máseleniń - áielder men balalarǵa zorlyq-zombylyq kórsetilip jatqanyn, jaqyndarynyń qolynan qaza taýyp jatqanynyn kórsetedi.
Kún saiyn qylmys týraly habarlamalardy alyp, balalar men áielder bastan keshken ádiletsizdik pen azapty kórip, áli kúnge deiin belgisiz sebeptermen, eski jáne adamgershilikke jatpaityn kózqarastardyń saldarynan turmystaǵy zorlyq-zombylyqty aqtaýǵa bolatynyna senetin adamdar baryn kórip kelemin. Kez kelgen zorlyq-zombylyq úshin jaza qaitarymsyz ári eń qatań bolýy kerek.
Qazir Saltanat Núkenovanyń isi boiynsha sotaldy nemese sot protsesinde sottalýshyny aqtaý úshin derekterdi qasaqana burmalaýǵa áreket jasalmaq degen aqparat bar. Keibir adamdar bul media kompaniiany qolǵa alyp úlgerdi. Adamdardyń buǵan qalai qatysyp jatqanyn, zorlyq-zombylyqty qalai aqtaýǵa bolatynyn túsine almaimyn. Bul is boiynsha ádil sot jazadan qutylý múmkin emes degen naqty belgi bolýy kerek.
Álbette, zorlyq-zombylyqpen kúreste qatań zań kerek. El Prezidentiniń tapsyrmasyna sáikes biz, depýtattar, memlekettik organdar qyrkúiektiń basynda zań jobasyn daiyndadyq, qazir ol Májilis talqylaýynda. Bul rette Memleket basshysy zorlyq-zombylyqqa qarsy kúrestiń basty faktory qoǵamda "zańdylyq pen quqyq tártibi" qaǵidatyn saqtai otyryp, agressiia men zorlyq-zombylyqtyń kez kelgen túrine "múldem tózbeýdi" damytý keregin atap ótti. Jáne bul árqaisymyzǵa bailanysty.
Azamatsha, áiel jáne Qazaqstan Respýblikasyndaǵy Bala quqyqtary jónindegi ýákili retinde men sot barysyn jiti qadaǵalaimyn. Biz qoǵam bolyp áielder men balalarǵa qatysty zorlyq-zombylyqtyń kez kelgen jaǵdaiynda ádildik izdeýimiz kerek", - dedi ol.
