Qazaqstandyq shahmatshy, áielder arasynda halyqaralyq grossmeister Dinara Sádýaqasova kásibi shahmatshylardy daiarlaityn klýb ashýdy usyndy, dep habarlaidy "Ult aqparat".
Jerlesimiz kásibi shahmat klýbyn ashý ideiasyn elordadaǵy Táýelsizdik saraiynda balalar men jastarǵa arnalǵan damytý ortalyǵynyń ashylýy barysynda ortaǵa saldy.
«Kitaptar shahmatty qalai jyldam úirený kerektigin ózimniń oinaǵan shahmat partiialarymdy negizge ala otyryp jazǵanymmen erekshelenedi. Iaǵni, olardyń kómegimen balalar úide otyryp, daiyn úlgige qarap jattyǵa alady. Taǵy bir kitap qazaq tilinde shyqty. Osy oraida aita ketý kerek, qazaqtildi ortada shahmatqa degen qyzyǵýshylyqtyń artqany baiqalady», - dedi D. Sádýaqasova.
Onyń aitýynsha, shahmat klýbynyń filialy elordamen qatar Atyraý qalasynda da bar.
«Óńirlerden kásibi shahmat mektebi nemese klýbyn ashý týraly usynystar kóptep keledi. Degenmen, aldymen sannan góri sapaǵa mán bergimiz keledi, biz úshin bastysy - az bolsa da shahmat úirenýde oń nátijeniń bolǵany. Sondyqtan da aimaqtarda asyqpai ashatyn bolamyz. Sonymen qatar, bizge tájiribeli jattyqtyrýshylardyń sapaǵa jumys istegeni kerek jáne balalarmen til tabysa bilý de - asa mańyzdy», - dedi ol.
Belgili shahmatshynyń sózinshe, ár balada shahmat úirený qabileti bar, tek ony asha bilý kerek.
«Shahmat mektebine balalar 5 jastan bastap qabyldanady. Eger daryndy bala bolsa, onda odan da erterek úiretýge bolady. Osy oraida Qazaqstannyń túkpir-túkpirinen talantty degen balalardy jinap, kásibi shahmat klýbyn qurý ideiasy bar», - dedi shahmatshy.
