Foto: facebook.com/dina.tansari.kz
Búgingi tańda Almaty qalasynyń, Shyǵys Qazaqstan jáne Almaty oblystarynyń politsiia departamentteri Dinara Smaiylovaǵa, iaǵni Dina Tańsárige qatysty kórineý jalǵan aqparat taratý, jeke ómirge qol suǵylmaýshylyqty buzý faktileri boiynsha alty qylmystyq is qozǵap, tergep jatyr. Onyń ishinde eki is alaiaqtyq boiynsha, – dep habarlaidy Polisia.kz.
"Sotqa deiingi tergeý barysynda Smaiylovanyń “NeMolchiKZ” qorynyń basshysy ekeni, sonymen qatar ózin qoǵam belsendisi, quqyq qorǵaýshy jáne áielder men balalarǵa qatysty zorlyq-zombylyqpen kúresýshi retinde kórsetetindigi anyqtaldy. Ol óz qyzmetin áleýmettik jelilerde keńinen jariialaidy.
Alaida Smaiylovanyń kóptegen jariialanymdary shyndyqqa janaspaidy, sebebi olar tergeýmen rastalmaǵan. Onyń jalǵan habarlarymen quqyǵy buzylǵan azamattar shaǵym túsirdi.
Tergeý men júrgizilgen sot saraptamalary kórsetkendei, “NeMolchiKZ” qorynyń basshysy tek óziniń sýbektivti pikirine súiene otyryp, aiyptaý basylymdaryn jazǵan. Smaiylova jalǵan aqparat taratýmen qatar 2021 jyldan bastap, ózi Qazaqstan Respýblikasynan tys jerde bola tura, óziniń áleýmettik jelilerdegi paraqshalarynda zorlyq-zombylyq qurbandaryna kómek kórsetý úshin qarajat jinaityndyǵy týraly jariialaǵan.
Máselen, Shyǵys Qazaqstan oblysynyń politsiia departamenti tergep jatqan alaiaqtyq boiynsha qylmystyq is aiasynda aǵymdaǵy jyldyń sáýir aiynda Smaiylova Óskemen qalasynda kámeletke tolmaǵan qyzdyń ózine qol jumsaǵany týraly jalǵan málimet jariialaǵany anyqtaldy. Sodan keiin ol qaza bolǵan adamnyń otbasyna kóńil aityp, bul jaǵdaidy joqqa shyǵarǵan politsiiaǵa senbei, óz-ózine qol jumsaý áreketiniń bolǵandyǵyn jáne qyzdyń aýrýhanada jatqandyǵyn málimdegen.
Alaida bul jariialanymdardyń barlyǵy jalǵan bolyp shyqty, óitkeni is júzinde sýitsid bolǵan joq. Atalmysh kámeletke tolmaǵan qyz zardap shekken buzaqylyq faktisi boiynsha qylmystyq is sotqa jiberildi. Osyǵan qaramastan Smaiylova jábirlenýshiniń advokaty úshin aqsha jinaý týraly jariialap, sot protsesi kezinde 20 mln teńgeden astam qarajat jinaǵan. Onyń az ǵana bóligin issapar shyǵyndaryna tólegen. Alaida sotta advokattyń qyzmetterin jábirlenýshi taraptyń ózi tólegeni belgili boldy, bul sottalýshylardyń qorǵaýshylarynyń narazylyǵyn týdyrdy", – dedi IIM tergeý departamenti bastyǵynyń orynbasary Samat Aisov.
Alaiaqtyq boiynsha taǵy bir qylmystyq isti Almaty oblysynyń politsiia departamenti kámeletke tolmaǵan zorlyq-zombylyq qurbanyna kómek kórsetý úshin aqsha jinaý faktisi boiynsha qozǵady.
"Bul jaǵdaida Smaiylova bir otbasyndaǵy zorlyq-zombylyq týraly jalǵan habarlama jariialap, oqyrmandarynan aqsha aýdarýdy surap, jubaiynyń Kaspi kartasynyń rekvizitterin kórsetken.
Tergeý barysynda zorlyq-zombylyq faktisi rastalmady. Biraq bank málimetterine sáikes kórsetilgen ýaqyt ishinde Smaiylova taǵy da birneshe million teńge jinap úlgergen.
Sonymen qatar sottyń sanktsiiasymen alynǵan bank málimetterin taldaý barysynda Smaiylova Qordyń qarjylyq qyzmeti retteletin “Kommertsiialyq emes uiymdar týraly” Zańnyń talaptaryn buza otyryp, ózi shetelde bola turyp, aýdarymnan túsken aqshany jubaiynyń jeke kartochkasyna alǵany, sondai-aq aqshany óz qajettilikterine jumsaǵany anyqtaldy.
Alynǵan dáleldemelerdi eskere otyryp, tergeý organy Smaiylovanyń is-áreketin Qylmystyq kodekstiń 190-babynyń 3-bóligi boiynsha saralap, 27 jeltoqsanda oǵan izdeý jariialandy. Sotqa deiingi tergeý jalǵasyp jatyr", – dedi Samat Aisov.
