Dimash Qudaibergenniń jańa ániniń beinebaiany jariialandy, dep habarlaidy QazAqparat.
«OMIR OTER» degen ataýmen shyǵatyn jańa mýzykalyq týyndy adamnyń dúnie esigin attaǵan sátinen bastap ómiriniń sońyna deiingi taǵdyryn obrazdy túrde beineleitin áserli joba. Daryndy ánshi alǵash ret óz ánin DIMASH DIGITAL SHOW onlain-kontsertinde oryndaǵan bolatyn.
Joba rejissiori - Anna Oboianskaia. Ýkrainalyq maman Dimashtyń dekoratsiia, kostiým, qiyn qoiylymdarsyz-aq keńistikti erekshe bolmysymen toltyrý qabiletin atap ótken bolatyn.
«Halqyna paidasy tiip, bir armanyna jetse eken degennen týyndaǵan dúnie. Árkim ártúrli qabyldaýy múmkin. Biraq bul kliptiń ishinde qazirgi kózqaras jáne burynǵy ótip ketken dáýirlerdegi tarihqa kóz júgirtetin jastardyń bizge deiin de taý-tulǵalar ótip ketken, biz solardyń isin jalǵastyra alatyndai urpaq bola alyp júrmiz be degen oidy aitatyn dúnie», - dedi ánshiniń ákesi Qanat Aitbaev.
Beineklip túsirilimi elorda tórindegi «Astana Opera» memlekettik opera jáne balet teatrynda ótti. Keiipkerlerdiń obrazdaryn elordalyq teatrlardyń jetekshi akterleri, jas ártister, elimizdiń eńbek sińirgen óner qairatkerleri somdap shyqty. Túsirilimge qatysqan eń jas aktrisa nebári eki jasta.
Beinebaian «Habar» arnasynyń resmi Youtube arnasynda jariialandy.
