31 jeltoqsanda Japoniianyń NHK ulttyq telearnasynda ABU TV 2021 eń úlken án festivali kórsetiledi. Kontserttiń kórsetiliminde Dimashtyń áigili «Ikanaide» áni shyrqalady, dep habarlaidy QazAqparat dimashnews resýrsyna silteme jasap.
ABU TV Song Festival - Aziia-Tynyq muhity habar taratý odaǵynyń jyl saiynǵy Bas Assambleiasy aiasynda ótkiziletin Aziianyń kásibi mýzykanttarynyń iri kontserti.
Biyl festival 18 qarashada Malaiziiada onlain formatta ótti.
Oǵan álemniń 10 elinen tanymal vokalister qatysty. Kontsertte Qazaqstan atynan «Slavian bazary» baiqaýynyń jeńimpazy Ámre atymen tanymal Ernar Sadyrbaev ta óner kórsetti.
ABU TV Song Festival 2021 kórsetilimi Japoniianyń «NHK World Japan» telearnasynda 30-31 jeltoqsanǵa qaraǵan túni (Tokio ýaqyty boiynsha 0:35) ótedi, al keń aýditoriia úshin 2022 jyldyń 22 jáne 23 qańtarynda qoljetimdi bolady.
Dimash Qudaibergen ABU TV Song Festival efirinde «Ikanaide» ánimen arnaiy qonaq retinde óner kórsetedi.
Alǵash ret japon tilinde Dimashtyń oryndaýynda ańyzǵa ainalǵan kompozitsiia 2021 jyldyń 28 qarashasynda Tokio djaz festivalinde shyrqaldy.
Buǵan deiin Dimash festivalǵa 2016 jyly Ystanbulda jáne 2019 jyly Tokioda qatysqan bolatyn.
