Mamyr jáne maýsym ailarynda Dimash Qudaibergenniń «Ia skýchaiý po tebe», «O’kei» jáne «S.O.S» ánderi kún saiyn Braziliialyq Correio 98 FM radiosynyń efirinde usynylyp keledi, dep habarlaidy "Ult aqparat" dimashnews.com saityna silteme jasap.
Braziliiada tanymal Correio 98 FM radiosy alǵash ret 1983 jyly efirge shyqqan. Radiostantsiianyń shtab-páteri Kampina-Grandi qalasynda ornalasqan. Dál osy jerde álemdegi eń úlken Sent-Djon festivali ótedi. Oǵan jyl saiyn Dúnie júzinen millionǵa jýyq qonaq jinalady.
Radiojúrgizýshiler Dimashty úlken vokaldyq diapazony bar ánshi retinde tanystyryp, ártistiń túrli mýzykalyq janrlarda jáne álemniń kóptegen tilderinde án shyrqaitynyn atap ótti.
Dimashtyń ánderin Braziliianyń iri radiostantsiiasynda taratý Dimash Qudaibergen FC Brasil fan-klýbynyń Dears jobasynyń nátijesi boldy. Bul jobanyń maqsaty - qazaqstandyq oryndaýshynyń shyǵarmashylyǵyn óz elinde barynsha nasihattaý.
Sondai-aq, osy joba aiasynda Braziliianyń tanymal «Extra» gazetinde Dimash pen onyń shyǵarmashylyǵy týraly birneshe material jaryq kórdi. Eń sońǵy basylym 2022 jyldyń naýryz aiynda jaryq kórdi jáne pandemiiadan keiin ártistiń sahnaǵa oralǵany, sondai-aq Dýbai, Diýsseldorf jáne Pragadaǵy jańa kontsertterin jariialaýǵa arnaldy.
