Dimashty jankúierleri Niý-Iorktegi Djon Kennedi atyndaǵy halyqaralyq áýejaiynda Qazaqstannyń jalaýymen qarsy aldy, dep habarlaidy "Ult aqparat" dimashnews.com saityna silteme jasap.
Niý-Iorktegi Djon Kennedi atyndaǵy halyqaralyq áýejaiy óziniń tarihynda kóptegen tanymal tulǵalar men jarqyn kezdesýlerdiń kýási bolǵany anyq. Alaida AQSh-tyń eń iri áýejailarynyń birde-birinde alystaǵy Qazaqstanan kelgen ánshini dál bulai, úlken saltanatpen qarsy almaǵan bolar. Dimash Qudaibergendi álemniń túkpir-túkpirinen kelgen 150-ge tarta jankúieri gúl shoqtarymen kútip aldy.
Ártúrli memleketten jinalǵan kópshiliktiń arasynda jasy da, kárisi de bar. Dimashty qarsy alýshylardyń kópshiliginiń qoldarynda Qazaqstannyń kók týy jelbireidi. Sonymen qatar súiikti ánshileriniń portrettik sýretterin de ustap shyqqandar kezdesedi.
Jankúierleri qazaqstandyq tanymal ánshiniń kontsertine sáttilik tilese, birneshe saǵattyq ushýdan keiin sharshasa da, Dimash olarǵa ádettegidei alǵys aityp, birge estelik úshin fotoǵa tústi.
Aita ketsek, kontsert Qazaqstannyń AQSh-taǵy mádeniet kúnderi aiasynda uiymdastyrylyp otyr.
«Arnau tour ENVOY» - maýsym aiynda «Qazaqstan» RTRK» AQ uiymdastyrýymen Nur-Sultan qalasynda ótken «ARNAU» kontsertiniń jańarǵan nusqasy. Álem tyńdarmandary bul keshte jańa baǵdarlamamen qatar, «ARNAU» baǵdarlamasynyń úzdik nómirlerin kóretin bolady. Kontserttiń televiziialyq nusqasynyń kórsetilim ýaqyty qosymsha jariialanady.
Dimashtyń Niý-Iorktegi kontsertine biletter bir jarym aida satylyp ketken. Sondai-aq, ánshiniń Niý-Iorkte 10 jeltoqsanda ótetin jeke kontsertine álemniń 51 elinen jankúierler barady.
