Búkil álemge tanymal qazaqstandyq ánshi Dimash Qudaibergen djaz kompozitsiiasynyń milliondaǵan jankúierlerin tánti etetin bolady. Bul týraly Tokyo Jazz Festival resmi saitynda habarlandy.
19-shy Tokyo Jazz Festival mamyrdyń 22-24 kúnderi Japoniia astanasynda ótedi. Bul bastaýyn 2002 jyldan alatyn Kúnshyǵys elindegi iri mýzykalyq festivalderdiń biri sanalady. Ol djazdyń shyn mánindegi tanymal ártisterin shaqyrýymen belgili. Mýzykalyq festivaldiń uiymdastyrýshylary biyl mádeni sharaǵa 90 myńnan astam kórermen jinalatyndyǵyn kútip otyr. Buǵan Qazaqstannan baratyn qonaqtyń da úlesi zor bolýy yqtial. Sebebi Tokyo Jazz Festival-diń Facebook paraqshasynda jariialanǵan ańdatpasyna pikir qaldyrǵandardyń basym bóligi Dimashtyń atalǵan sharaǵa qatysatyndyǵyn qýana jazyp jatyr.
