Foto: Instagram/kudaibergenov.dimash
Daryndy ánshi, Qazaqstannyń halyq ártisi Dimash Qudaibergen shahtada ákeleri qaitys bolǵan, kámelettik jasqa tolmaǵan balalary bar 20 otbasyǵa 20 million teńge aýdardy. Bul týraly áleýmettik jelide aqyn, jýrnalist Baýyrjan Babajanuly habarlady.
"Qaraǵandydaǵy Kostenko shahtasynda qaza tapqan 46 azamattyń qaiǵysy áli umytylǵan joq. Memleket te, jeke kásipkerler de olardyń otbasyna qol ushyn sozyp jatyr.
Áigili ánshi Dimash Qudaibergen de bul saýapty isten syrt qalǵan joq. Ol sol apatta ákeleri qaitys bolǵan, kámelettik jasqa tolmaǵan balalary bar 20 otbasyǵa keshe 1 million teńgeden aýdardy.
Osy habardy kezdeisoq estip qalyp, Kanat Aitbaevqa habarlasyp em, rastady. Jalpy, Aitbaevtar otbasy bergenin jariialai bermeidi. Dimash atqa mingeli ǵana emes, burynnan solai.
Biraq myna habardy el bilýi kerek qoi. Dimashtyń bul isin basqa da óner ieleri jalǵastyryp áketse, káneki! Osy maqsatpen jariialap otyrmyn" - dep jazdy aqyn.
