Qazaqstan ánshi Dimash Qudaibergen AQSh-tyń Niý-Iork qalasyndaǵy jeke kontserti qashan ótetinin aitty, dep habarlaidy "Ult aqparat".
«10 jeltoqsanda AQSh-tyń Niý-Iork qalasyndaǵy Barclays Center stadionynda jeke kontsertim ótetinin habarlaimyn. Bilet satylymy jaqynda bastalady. Instagram paraqshamdy baqylap otyryńyzdar», - dep jazdy ánshi Instagram-daǵy paraqshasynda.
Aita ketsek, buǵan deiin Dimash Qudaibergenniń AQSh-ta kontserti ótetinin Mádeniet jáne sport ministrligi habarlaǵan bolatyn.
«AQSh-ta Mádeniet jáne sport ministrliginiń tikelei qoldaýymen jáne uiymdastyrýymen Dimashtyń kontserti ótedi. Bul týraly Mádeniet jáne sport ministri Aqtoty Raiymqulova aitty. Erekshe kezdesý ótkizgen ministr Dimash Qudaibergen AQSh-ta jeke shyǵarmashylyq kontsertin beretinin jetkizdi. Aty álemge áigili óner iesiniń bul keshi Niý-Iork qalasynda bolmaq», - dedi QR Mádeniet jáne sport ministriniń sol kezdegi baspasóz hatshysy Aidar Qyryqbaiuly.
Eske salsaq, Dimash Qudaibergen jaqynda ǵana elordada «Arnaý» atty jeke kontsertin berip , odan túsken qarjynyń bir bóligin Arysqa kómek retinde aýdardy.
Sondai-aq, buǵan deiin onyń London men Máskeýde jeke óner keshteri ótti.
