Dimash Qudaibergen keshe Qytaidyń Tiianjin qalasyndaǵy «SOS» balalar úiiniń tárbielenýshilerine kómek jasady, dep habarlaidy QazAqparat.
hazharas.com saitynyń málimetinshe, Dimash taǵdyrdyń taýqymetin tartqan jetim balalarǵa qaǵaz-qalam, kórpe-jastyq sekildi ár túrli turmystyq buiymdar tartý etken.
«Osyndai jetim balalarǵa kómek qolyn sozý - qoǵamnyń boryshy, budan keiin de jetkinshekterdiń ýaiym-qaiǵysyz ósip jetilýi úshin óz kómegimdi kórsetip otyramyn», - deidi Dimash Qudaibergen.
Balalar úiiniń basshylyǵy Dimashtyń keńpeiildiligine rizashylyǵyn bildirip, arnaiy alǵys hat tapsyrǵan.
Aita keteiik, Tiianjindegi bul balalar úii - «SOS» halyqaralyq balalar úiiniń Qytaidaǵy eń úlken bólimshesi. Onda 132 jetim bala turady.
