Dimash Qudaibergen estrada juldyzdaryn ónerli balalardan úlgi alyp, jandy daýyspen án aitýǵa shaqyrdy, dep habarlaidy Sputnik Qazaqstan.
"Mine, əne-mine degenshe "Baqytty bala" atty birinshi halyqaralyq konkýrs aiaqtaldy. Osy konkýrstan soń-aq men estrada óneriniń shynaiy jaryq juldyzdary ósip kele jatyr dep senimdi túrde aita alamyn. Keibir "juldyzdarǵa" jandy daýyspen ən shyrqaýdy osyndai balapandardan úirenińder degim keledi. Eger, osy sózimmen birińizdiń kóńilderińizge qaiaý túsirgen bolsam, keshirim suraimyn, alaida shyndyqtyń joly sara jol, ol aitylýy tiis", — dep jazdy ánshi áleýmettik jelidegi paraqshasynda.
Ol baiqaýdyń bas júldesin jeńip alǵan balalardy quttyqtap, sáttilik tiledi.
"Myna videoda Nargiz ben Erjan. Ekeýi de gran-pri iegeri. Shyn júrekten quttyqtaimyn. Jalpy barlyq úmitkerler bary men janyn saldy. Biz sendermen ərdaiym maqtanamyz. Tek qana səttilik tileimiz. Jeńisti kúnderde kezdeskenshe aman-saý bolyńyzdar", — dedi Dimash.
Aqtóbede ótken alǵashqy halyqaralyq Baqytty Bala-2018 estradalyq ánder baiqaýyna Qazaqstan, Resei, Ýkraina, Ózbekstan jáne Gretsiiadan jas daryndar qatysty.
Bas júldeni aqtóbelik Narǵyz Januzaqova men Oral qalasynan kelgen Erjan Maksim jeńip aldy. Olardyń árqaisysyna 1 million teńgeden berildi.
Barlyǵy estradalyq ánder baiqaýyna 20 elden 420 bala qatysqan. Irikteý kezeńinen 20 ónerpaz súrinbei ótti.
