Dimash Qudaibergenov 1994 jyly 24 mamyrda Aqtóbe qalasynda Qazaqstan Respýblikasynyń mádeniet qairatkerleri Qanat Qudaibergenuly men Svetlana Aitbaeva otbasynda dúniege kelgen.
Eń alǵash ret spektaklde oinaýymen tanyla bastady. Bes jasynda mýzykalyq kolledj sahnasynda alǵash ánshi retinde án salǵan. Alty jasynda “Ainalaiyn” respýblikalyq baiqaýynyń “Fortepiano” nominatsiiasynda jeńimpaz atanǵan.
2010 jyly "Baiqonyrdyń Ásem daýystary" Halyqaralyq festivaliniń I júlde laýreaty atandy. 2012 jyly “Jas qanat” Respýblikalyq jas án oryndaýshylar baiqaýynyń Gran-pri júldesine ie boldy. 2012 jyly “Vostochnyi bazar” Halyqaralyq baiqaýynda I júlde laýreaty ataǵyna ie boldy. Bir jyldan soń, “Meikin Aziia” I Halyqaralyq festivaliniń jeńimpazy bolyp atandy. 2014 jyly Aqtóbe qalasynda A. Jubanov atyndaǵy Mýzykalyq kolledjinde “akademiialyq án oryndaý” fakýltetin bitirip, Qazaq Ulttyq óner ýniversitetiniń “estrada óneri” fakýltetine tústi.
Naǵyz tanymaldyq, Vitebsk qalasynda XXIV Halyqaralyq estradalyq án oryndaýshylar «Slavian bazary-2015» baiqaýynda Gran-pri jeńip alǵan soń kelgen. Eki kún ishinde, jas ánshi 175 upai jinaǵan. Birinshi kúni ol Konstantin Meladze kompozitoriniń «Opiat metel» ánin, al ekinshi kúni Frantsýz ánshisi Gregori Lemarshal repertýarynan alynǵan «Sos dun terien un detresse» ánin oryndady. 2015 jyly 28 qazan kúni Ystambulda Dimash Qudaibergenov “AbuTV” Halyqaralyq Aziia-Tynyq muhit festivalinda Qazaqstan Respýblikasynyń atynan alǵash ret qatysty.
Dimashtyń ata-anasy tanymal ánshiler Qanat jáne Sveta Aitbaevtar. Dimashtyń ákesi Qanat Aitbaev - oblystyq filarmoniianyń basshysy, anasy Svetlana Aitbaeva – oblystyq maslihat depýtaty. Dimashtyń ata-ájeleri de mýzykalyq adamdar. Biri dombyrada oinasa, ekinshisiniń án aitýǵa beiimi bar. Dimashtyń Raýshan atty qaryndasy, Mansur atty inisi bar.
5 jasynan bastap fortepianoda oinaýdy úirenedi. Balalar horynda án aitqan. 2014 jyly Dimash Ahmet Jubanov atyndaǵy mýzykalyq kolledjde akademiialyq án oryndaý synybyn támamdady. Qazir Astana qalasyndaǵy Qazaq Ulttyq Óner ýniversitetiniń 2 kýrs stýdenti. Dimash serb, italian, frantsýz, aǵylshyn, orys t.b tilderde án oryndaidy.
"Ult aqparat"
Málimetter kk.wikipedia.org-dan alyndy
