"Dostar, men sizderdi bir adammen tanystyrǵym keledi. Zamanaýi mobildi oiyn-saýyq indýstriiasynyń negizin salýshylardyń biri, tanymal amerikalyq ánshi Ledi Gaganyń prodiýseri - Ralf Saimon meniń Eýropadaǵy kontsertterime Los-Andjelesten arnaiy ushyp keldi. kezdesý barysynda ideialar men birlesken qyzyq josparlardy talqyladyq", - dep jazdy ánshi.
Ol prodiýser Ralf Saimonnyń qyzmeti týraly aityp berdi.
"Ralf Saimon 1970 jyldary táýelsiz Zomba Group negizin qalaǵan jáne ony 20 jyl boiy jetekshi táýelsiz jazba leibline, mýzykalyq baspa úiine jáne prodiýserlerdi basqarýshy kompaniiaǵa ainaldyrǵan. Sonymen qatar amerikalyq mýzyka artisteri Backstreet Boys, NSYNC, Britni Spirs, Timberleik jáne Djanet Djeksonmen kelisimge kelgen.
90-jyldardyń ortasynda ol Gollivýdtaǵy Capitol Records jáne Blue Note Records kompaniiasynyń atqarýshy vitse-prezidenti boldy jáne EMI Music-tiń jahandyq jańa media bólimin qurdy. 1997 jyly ol Amerika, Eýropa, Ulybritaniia, Avstraliia jáne Afrikadaǵy alǵashqy ringtondar kompaniiasy bolatyn Yourmobile (keiinirek Moviso dep ataldy) negizin qalady. 2001 jyly Saimon Entoni Stoýnfild, Hilton Rozental, Shein Diýing jáne Kliff Brigdenmen birge YourMobile tobyn qurdy", - dep jazdy Dimash Qudaibergen.
Bul jazbaǵa 37 000-ǵa jýyq adam laik basyp, 2 myńnan astam pikir qaldyrdy. Jeli qoldanýshylary qazaqstandyq ánshini quttyqtap, qýanyshtaryn bildirdi.
"Keremet adam! Jaqynda onymen AQSh-ta jáne búkil álemde birlesken jobalar jasaimyz dep úmittenemin! Aq jol!", - dep tolyqtyrdy ánshi.
