Dimash Qudaibergen qatysyp jatqan «Singer» baiqaýynyń 6-kezeńiniń nátijesi belgili boldy, dep habarlaidy Ult.kz tilshisi QazAqparat agenttigine silteme jasap.
Bul týraly qytaidyń áleýmettik jelileri jarysa jazyp jatyr. Otandasymyz bul ainalymda álemge tanymal ánshi Lara Fabiannyń repertýarynan «Adagio» ánin oryndap, birinshi oryndy ielengen.
«Súiinshi! Dimash taǵy shýlatty! Birinshi oryn! Keshe «Singer» baiqaýynyń kelesi ainalymy ótti. Dimash pianinomen «Adagio» ánin óte joǵary deńgeide oryndap, kórermenderdi jylatty. Ánniń ortasyna kelgende jurttyń bári oryndarynan turyp, qol soqty. «Dimash, Dimash», dep jankúierlerdiń aiǵailaǵan úni bir sátke tolastamady», - dep jazylǵan Qytaidaǵy Wechat áleýmettik jelisinde.
Aita keteiik, buǵan deiin Dimashtyń ónerine tánti bolǵan álemge tanymal ánshi Lara Fabian ony ózimen kezdesýge shaqyrǵanyn jazǵan bolatynbyz.
«Singer» baiqaýynyń 5-kezeńi Astana ýaqytymen 18 aqpan kúni saǵat 20.30-da Hunan.TV telearnasynan kórsetiledi. Bul kezeńde Dimash Qudaibergen «Uptown Funk» ánimen besinshi oryndy ielengen edi.
