Ulttyq poshta operatory qazaqstandyq tanymal ánshi Dimash Qudaibergenmen yntymaqtastyq bailanys ornatqanyn jariialaidy, dep habarlaidy "Ult aqparat" Qazposhtanyń baspasóz qyzmetine silteme jasap.
«Az ǵana ýaqyt ishinde óz kásibi salasynda asa zor tabysqa jetip, mýzyka tarihyna óshpestei etip óz esimin jazǵan, álemdik deńgeidegi jaryq juldyzymyz Dimash Qudaibergenmen yntymaqtastyq bailanys ornatqanymyzdy qýana jetkizemin. Álem halyqtaryn óz shyǵarmashylyǵymen uiyta bilgen Dimash bizdiń kompaniiamyzdyń basty ideiasyn beineleidi - túrli elder men qalalardyń halqyn biriktiredi. Kompaniia qashanda innovatsiialarǵa, tehnologiialar men joǵary sapaly servisterge umtylady. Qazposhta qazaqstandyqtardyń qysqa ýaqyt ishinde barynsha sapaly qyzmetterdi paidalanýy úshin jumys isteidi. Men bizdiń Dimashpen yntymaqtastyǵymyzdyń tabysty da qyzyqty bolatynyna senemin, - dedi «Qazposhta» AQ Basqarma tóraǵasy Sáken Sársenov.
Dimash Qudaibergen - Vitebsk qalasynda ótken «Slavian bazary-2015» baiqaýynyń Gran-pri, MTV Music Awards premiialarynyń iegeri, nominatsiialary: «Aziianyń eń tanymal ánshisi», «Halyqaralyq deńdeidegi eń tanymal ánshi», «Jyldyń eń úzdik ánshisi» jáne «Eń tanymal shetel ánshisi». Dimash Qytaida ótken Singer-2017 baiqaýynyń finalynda ekinshi oryn alý arqyly álemdik deńgeidegi tanymaldyqqa ie boldy.
«Sońǵy kezderi men Qazposhtanyń qyzmetterin jii paidalanamyn, álemniń túkpir-túkpirinen óz jankúierlerimnen hattar men syilyqtar alyp turamyn. Men elimizdiń poshtasynyń qyzmet kórsetý deńgeii men damý qarqynyna shyn peiilimmen qairan qalamyn. Árine, Qazposhta áleýmettik kompaniia, ol qazaqstandyqtardyń, tipti eń shalǵai aýyldarda poshtalyq jáne qarjylyq qyzmetterdi alýǵa múmkindik beredi, osylaisha elimizdiń barlyq óńirlerin biriktiredi. Onyń áleýmettik róli jáne sonymen birge zamanaýilyǵy men tehnologiialylyǵy maǵan unaidy. Men Qazposhtanyń odan ári kórkeiip, gúldene berýin tileimin», - dedi Dimash Qudaibergen.
