Dimash Qudaibergen Reseidegi «Balalar daýsy» baiqaýyna qatysyp jatqan Erjan Maksimge sáttilik tiledi, dep habarlaidy QazAqparat tilshisi.
Erjan Maksim - Batys Qazaqstan oblysynyń týmasy. Ol ótken jyly Aqtóbe qalasynda ótken "Baqytty bala" jobasyna qatysyp, bas júldege ie boldy. Sol kezde Dimash Qudaibergen 10 jastaǵy ónerpazdyń daýysyn joǵary baǵalap, ónerdegi juldyzdar jandy daýysta án shyrqaǵan balalardan úlgi alýy kerek dep aitqan bolatyn. Erjan Maksimniń jeńisi kóp. Ol Qazaqstandaǵy túrli jarystarda bas júlde alyp, Italiia, Belarýs elinen jeńispen oraldy. Al qazir ol Reseide ótip jatqan "Golos deti" baiqaýyna qatysyp jatyr.
"Erjantai, balapan, Reseidegi ónerińe tánti boldym. Qazaq eliniń ónerge bai ekenin Reseidiń qaq ortasynda dáleldegen kishkentai batyrymyzsyń. Byltyr osyndai jobada Danielia qulynshaǵymyz Ýkrainada elimizdiń mártebesin kóterse, biyl dástúrge ainalǵan jeńisti úrdisimizdi Reseidiń tórinde des bermei abyroimen jalǵastyrýyńa tilektespin. Sen myqtysyń! Saǵan birinshi kezekte jaqsy qarapaiym azamat bolyp ósýińdi, sodan keiin baryp ǵana juldyz bolýyńdy tileimin, janym. Alǵa, Erjantai", - dep jazdy Dimash Qudaibergen óz áleýmettik paraqshasyna.
