ديماش قۇدايبەرگەن رەسەيدەگٸ «بالالار داۋسى» بايقاۋىنا قاتىسىپ جاتقان ەرجان ماكسيمگە سەتتٸلٸك تٸلەدٸ, دەپ حابارلايدى قازاقپارات تٸلشٸسٸ.
ەرجان ماكسيم - باتىس قازاقستان وبلىسىنىڭ تۋماسى. ول ٶتكەن جىلى اقتٶبە قالاسىندا ٶتكەن "باقىتتى بالا" جوباسىنا قاتىسىپ, باس جٷلدەگە يە بولدى. سول كەزدە ديماش قۇدايبەرگەن 10 جاستاعى ٶنەرپازدىڭ داۋىسىن جوعارى باعالاپ, ٶنەردەگٸ جۇلدىزدار جاندى داۋىستا ەن شىرقاعان بالالاردان ٷلگٸ الۋى كەرەك دەپ ايتقان بولاتىن. ەرجان ماكسيمنٸڭ جەڭٸسٸ كٶپ. ول قازاقستانداعى تٷرلٸ جارىستاردا باس جٷلدە الىپ, يتالييا, بەلارۋس ەلٸنەن جەڭٸسپەن ورالدى. ال قازٸر ول رەسەيدە ٶتٸپ جاتقان "گولوس دەتي" بايقاۋىنا قاتىسىپ جاتىر.
"ەرجانتاي, بالاپان, رەسەيدەگٸ ٶنەرٸڭە تەنتٸ بولدىم. قازاق ەلٸنٸڭ ٶنەرگە باي ەكەنٸن رەسەيدٸڭ قاق ورتاسىندا دەلەلدەگەن كٸشكەنتاي باتىرىمىزسىڭ. بىلتىر وسىنداي جوبادا دانيەليا قۇلىنشاعىمىز ۋكراينادا ەلٸمٸزدٸڭ مەرتەبەسٸن كٶتەرسە, بيىل دەستٷرگە اينالعان جەڭٸستٸ ٷردٸسٸمٸزدٸ رەسەيدٸڭ تٶرٸندە دەس بەرمەي ابىرويمەن جالعاستىرۋىڭا تٸلەكتەسپٸن. سەن مىقتىسىڭ! ساعان بٸرٸنشٸ كەزەكتە جاقسى قاراپايىم ازامات بولىپ ٶسۋٸڭدٸ, سودان كەيٸن بارىپ عانا جۇلدىز بولۋىڭدى تٸلەيمٸن, جانىم. العا, ەرجانتاي", - دەپ جازدى ديماش قۇدايبەرگەن ٶز ەلەۋمەتتٸك پاراقشاسىنا.
