Qazaqstandyq ánshi Dimash Qudaibergen bastalýyna áli bir ai bar amerikalyq daryndylar baiqaýynyń úzdigi atandy, dep habarlaidy Sputnik agenttigi.
CBS telearnasynda 3 aqpanda jańa iri joba The World's Best ("Álemniń úzdikteri") bastalady. Uiymdastyrýshylar The Voice ("Daýys"), America's Got Talent ("Amerikada daryndylar bar"), The X Factor baiqaýlarynan kem túskisi kelmeidi.
Resmi kórsetilimge bir ai qalǵanda internette shoýdyń úzindileri jariialana bastady. Baiqaý bastalmai jatyp fanattardyń súiiktisi belgili boldy, dep jazdy Meaww basylymynyń tilshisi Reichel Vindzor.
"Qysqa videotreilerde Dimashty kórsetkennen keiin, fanattar shoýdy asyǵa kútip júrgenin aitty. Tyńdarmandardyń pikirinshe, Dimashqa eshteńeni dáleldeýdiń qajeti joq, oǵan búkil álem bas igen", - deidi Vindzor.
Dimashty Qazaqstanda ǵana emes, Perýden bastap Ońtústik Afrikaǵa deiin barlyq elde jaqsy kóredi, dep atap ótti avtor.
"Dimashqa óz ana tilinde án shyrqaǵan yńǵaily siiaqty. Biraq endi aǵylshyn tilinde aitqanyn kóremiz, sol kezde onyń qabiletine kýá bolamyz. Ázirge birnárse anyq: ol jeńiletin bolsa, tabynýshylary qatty qamyǵady", - dep sanaidy tilshi.
Dimash Qazaqstan atynan qatysyp otyrǵan jalǵyz ánshi emes. "Golos. Diti" baiqaýynyń jeńimpazy, "Balalar Evrovideniesine" qatysýshy Daneliia Tóleshova da bul konkýrsta baǵyn synamaq.
CBS arnasyndaǵy baǵdarlamany komik Djeims Korden júrgizedi, al ádilqazylar alqasynda – aktrisa Driý Berrimor, telejúrgizýshi RýPol Andre Charlz jáne ánshi Feit Hill. Qatysýshylar úsh jiýridi ǵana emes, ár salanyń 50 sarapshysyn tańǵaldyrýy tiis.
Baǵdarlama barlyǵy 10 bólimnen turady. Jobany uiymdastyrǵandar: American Idol ("Amerikalyq idol") atqarýshy prodiýseri Maik Darnell men The Voice atqarýshy prodiýseri Mark Bernett.
