Dimash Qudaibergen óziniń Instagram-paraqshasynda tyńdarmandaryn súiinshi habarmen qýantty. Álemdi moiyndatqan ánshi bir kezderi ózi baq synaǵan «Slavian bazary» baiqaýyna qatysýshylarǵa qazylyq etetinin jazdy.
«Bul baiqaýdyń meniń ómirimde alatyn orny erekshe. Qazaqstan men sheteldiń halyqaralyq baiqaýlarynda jeńiske jetip, túrli kontsertinde, tv jobasynda óner kórsetken soń «Slavian bazary» baiqaýynan jeńiske jetkennen keiin dál osy Belarýs elinde ózimdi belgili ártis retinde sezindim. Men bul baiqaýdy jáne bir kezderi úlken estradaǵa shyǵyp óz elimniń mádenietin tanystyrýyma múmkindik bergen osyndaý tańǵajaiyp eldi qatty jaqsy kóremin. Osy jyly «Slavian bazarynda» qonaq retinde óner kórsetemin jáne qazylar alqasynyń múshesi bolamyn. Kezdeskenshe, Belarýs! Shildede kórisemiz», – dedi Dimash.
Esterińizge salaiyq, Dimash Qudaibergen «Slavian bazary – 2015» baiqaýynan bas júldeni jeńip alǵan edi. Tipti, bir kezederi Baǵym Mýhitdinovanyń synyna ushyraǵan jas ánshi 2017 jyly Qytaida ótken «I am a singer» jobasyna qatysyp, álemdi moiyndatqan bolatyn.
