Qazaqstandyq ánshi Dimash Qudaibergen qatysyp jatqan Qytaidyń «Singer 2017» án dodasynyń jartylai finaldyq kezeńiniń ańdatpasy jariialandy.
Buǵan deiin habarlaǵanymyzdai, Dimash jartylai finalda italiialyq ánshi Adriano Chelentanonyń «Confessa» ánin oryndady.
Jartylai finaldyń túsirilim jumystary 30 naýryz kúni bolyp ótti. Bul kezeńde jalpy 10 ánshi óner kórsetip, onyń segizi finalǵa joldama aldy. Pen Djiiahýei jáne Dý Lisha (Teresa Carpio) sońǵy sheshýshi kezeńge óte almady.
«Singer 2017» án dodasynyń finalisteri:
1. Dimash Qudaibergen
2. Lin Ilian (Sandy Lam)
3. Lion toby
4. Lin Chjisiýan
5. Li Tszian
6. Chjan Tsze
7. Chjan Bichen
8. Iýýan Iavei (Tia Ray)
Eske sala keteiik, baiqaýdyń jartylai finaly 8 sáýir kúni efirge shyǵady. Al eń sońǵy sheshýshi básekesi 15 sáýir kúni ótedi. Qytailyq Hunan TV jáne Habar telearnasy aqtyq básekeni tikelei efirde kórsetetin bolady.
