Dimash Qudaibergen Qazan qalasyndaǵy hospiske arnaiy baryp, óziniń kishkentai jankúieriniń armanyn oryndady, dep habarlaidy "Ult aqparat".
Dimash Qudaibergen óziniń komandasymen birge Qazan qalasyndaǵy hospiske arnaiy kirip shyqty.
«Syrqaty aýyr Leisan esimdi qyz Andrei Malahovtyń habarynda Dimashtyń shyǵarmashylyǵy óziniń aýrýymen kúresýge kúsh syilaitynyn, ánin tyńdaǵan saiyn ómirdiń áli alda ekenin túsinetinin aitqan bolatyn. Ol Dimashtyń Qazanda án aitatynyn estigende barǵysy kelgenin, biraq besinshi ret himiialyq kýrstan keiin ol múmkin emestigin aitqan. Sondyqtan, Dimash jankúierine ózi kelip, balań armanyn oryndady», - delingen Youtube arnasynda.
Atalmysh mekemeniń Anjela Vavilova atyndaǵy qory Instagram-da Leisannyń shynymen de Dimashtyń shyǵarmashylyǵyn súiip tyńdaitynyn jazǵan.
Aita ketsek, qazaqstandyq ánshi Tatarstan astanasyna «WorldSkills Kazan 2019» sharasyna qatysý úshin kelgen bolatyn.
