Qytaidyń «Singer - 2017» ánshiler dodasyna qatysyp jatqan qazaqstandyq ánshi Dimash Qudaibergenniń baiqaýdyń toǵyzynshy kezeńinde qandai án salatyndyǵy belgili boldy, dep habarlaidy Ult.kz tilshisi QazAqparat agenttigine silteme jasap.
Sina weibo áleýmettik jelilerinde baiqaýǵa qatysýshy ánshilerdiń toǵyzynshy kezeńde oryndaityn ánderiniń tizimi jariialandy. Otandasymyz amerikalyq Erik Karmenniń 1975 jylǵy týyndysy «All by Myself» ánin oryndaityn bolady.
Aita keterligi, bul ándi kanadalyq ánshi Selin Dion 1996 jyly oryndap, álemdik hitke ainaldyrǵan.
Eske sala keteiik, Dimash baiqaýdyń tórt ainalymyn (segiz kezeń) artta qaldyryp, óz jolyn jalǵastyryp keledi. Al bul kúnde bastapqy jeti ánshiden tek úsheýi ǵana qaldy.
Tórtinshi ainalymda (jetinshi jáne segizinshi kezeń) Dimash «Daididaý» ánimen úshinshi oryn, qytaisha «Tań atty» ánimen besinshi oryndy ielendi. Tórtinshi ainalymnyń qorytyndysy boiynsha Dimash besinshi oryndy qanaǵat tutyp, kelesi ainalymǵa joldama alǵan edi.
