Búgin Almatyda Arman Jumageldievtiń (Dikii Arman) isine qatysty tyńdaý jalǵasyp jatyr.
Birqatar jábirlenýshiden, keibir aiyptalýshylardan jáne olardyń advokattarynan, sondai-aq kýágerlerden jabyq rejimde sot otyrystaryn ótkizý týraly ótinishter kelip túsken. Olar sottalýshylar tarapynan óz ómirleri men otbasylarynyń qaýipsizdigine naqty qaýip tónetinin málimdegen.
Sottalýshylar arasynda QR QK-niń 362 (bilikti nemese laýazymdyq ókilettikterdi asyra paidalaný), 262 (uiymdasqan topty, qylmystyq uiym qurý jáne olarǵa basshylyq etý, sol siiaqty olarǵa qatysý), 272 (jappai tártipsizdik), 191 (tonaý), 126 ( bas bostandyǵynan zańsyz aiyrý), 268 (banditizm) baptary boiynsha aiyptalyp otyrǵan 45 adam bar.
Buǵan deiin IIM-de Arman Jumageldievtiń 2021 jyly jeltoqsan aiynda shetelden kelgeni jáne qańtar oqiǵasy kezinde Almatyda bolǵandyǵy týraly habarlanǵan bolatyn.
Ol bes adamnan turatyn qylmystyq toppen 2022 jyly 7 qańtarda arnaiy operatsiia kezinde ustaldy. Sodan keiin kúdiktilerden ártúrli markaly qarý-jaraq, sondai-aq olarǵa oq-dáriler, sýyq qarý-jaraq jáne brondalǵan kólik tárkilendi.
Bas prokýratýra Jumageldievtiń qarýly adamdary kezdeisoq ótip bara jatqan 24 beibit turǵyndy urlap, kúshtep ustaǵanyn málimdedi.
